તમારી વર્ચ્યુઅલ કોલોનસ્કોપી માટે કેવી રીતે તૈયાર થશો

આ માહિતી તમને મેમોરિયલ સ્લોઅન કેટરીંગ (MSK) માં તમારી વર્ચ્યુઅલ કોલોનસ્કોપી માટે તૈયાર થવામાં તમને મદદ કરશે.

Back to top

તમારી વર્ચ્યુઅલ કોલોનસ્કોપી વિશે

કમ્પ્યુટેડ ટોમોગ્રાફી તરીકે પણ ઓળખવામાં આવતી વર્ચ્યુઅલ કોલોનસ્કોપી (VC), તમારા મોટા આંતરડા (મોટું આંતરડું) અને મળાશય (મોટા આંતરડાનો છેડાનો ભાગ) માં કેન્સરના ચિહ્નોની તપાસ કરવા તેના ફોટા લેવા માટે કરવામાં આવે છે. 50 વર્ષની ઉપરની વયના પુખ્તોની કોલોન પોલીપ્સ માટે તપાસ કરવી જોઈએ. કોલોન પોલીપ્સ એ તમારા આંતરડાની અંદરની દિવાલ પરના સોજા છે. સામાન્ય રીતે એ ઘાતક નથી હોતા (કેન્સરગ્રસ્ત નહી), જો કે અમુક કેન્સરગ્રસ્ત કે કેન્સર પૂર્વેના હોય છે.

તમારા VC દરમિયાન તમારા ટેકનોલોજિસ્ટ તમારા મોટા આંતરડા અને મળાશયની અંદરના ભાગના 3-D ફોટા લેવા માટે CT સ્કેનનો ઉપયોગ કરશે. VC એ સામાન્ય કોલોનોસ્કોપી કરતા અલગ હોય છે કારણ કે તમારા ડૉક્ટર કોલોનોસ્કોપનો ઉપયોગ કર્યા વિના તમારા મોટા આંતરડાની અંદરની બાજુઓને જોઈ શકે છે (કોલોનોસ્કોપી દરમિયાન મળાશયની અંદર એક ફ્લેક્સિબલ ટ્યુબ મૂકવામાં આવે છે).

તમારા ડૉક્ટર નિમ્નલિખિત માટે 3-D ફોટાનો ઉપયોગ કરશે:

  • કોલોરેક્ટલ કેન્સરના ચિહ્નોની તપાસ કરવા માટે
  • તમારા મોટા આંતરડા અને મળાશયમાં સોજા (પોલીપ્સ)ની તપાસ કરવા માટે

જો તમને કોઈ પ્રશ્નો હોય તો 212-639-7280 પર કોલ કરો. જો ઓફિસ બંધ હોય તો 212-639-2000 પર કોલ કરો અને કોલ પરના રેડિયોલોજી બોડીના વ્યક્તિ માટે પૂછો.

 
Back to top

પ્રક્રિયા પહેલા

તમારી પ્રેપ કિટ લો

તમારા VC પહેલા, તમારા મોટા આંતરડાને સાફ (ખાલી) કરવાની જરૂર પડશે. આમ કરવા, તમારે MSK ફાર્મસીમાંથી નીચેની વસ્તુઓ લેવાની જરૂર પડશે:

  • બિસાકોડાઈલ (Dulcolax®) ની 2 (5 મિલિગ્રામ) ટેબ્લેટ્સ. તમને 10 ટેબ્લેટનું એક બોક્સ આપવામાં આવશે, પણ તમને માત્ર 2 લેવાની જરૂર પડશે.
  • આયોહેક્સોલ (Omnipaque®) ની 1 (50 મિલિલીટર) બોટલ. આ એક કોન્ટ્રાસ્ટ ડાઈ છે જે તમારા VC દરમિયાન તમારા મોટા આંતરડાને જોવાનું આસાન બનાવશે.
    • આયોહેક્સોલને રેફ્રિજરેટરમાં ન મૂકો.
    • બોટલને સીધા સૂર્ય પ્રકાશમાં સ્ટોર ન કરો.
  • બેરિયમ સલ્ફેટ સસ્પેન્સન પ્રવાહીની 1 (225 મિલિલીટર) બોટલ. આ એક અન્ય પ્રકારની કોન્ટ્રાસ્ટ ડાઈ છે.
    • બેરિયલ સલ્ફેટને તમે રેફ્રિજરેટરમાં અથવા સામાન્ય ઓરડાના તાપમાનમાં રાખી શકો છો.
  • મેગ્નેશિયમ સાઇટ્રેટની 2 (296 મિલિલીટર) બોટલ. આ એક લેક્સેટિવ છે જે તમારા મોટા આંતરડાને એકદમ સાફ કરશે.
    • મેગ્નેશિયમ સાઇટ્રેટને તમે રેફ્રિજરેટરમાં અથવા સામાન્ય ઓરડાના તાપમાનમાં રાખી શકો છો.

તમને આની પણ જરૂર પડશે:

  • લાલ, જાંબલી કે કેસરી ન હોય એવા કોઈપણ શુદ્ધ પ્રવાહીના 64 ઔંશ.
    • અમારી સલાહ છે કે તમે Gatorade® અથવા Powerade® જેવા કોઈ સ્પોર્ટ્સ ડ્રિંક લો.
    • જો તમને ડાયાબિટીસ છે તો સુગર-ફ્રી ક્લિયર પ્રવાહી લો છે એની ખાતરી કરો.

તમારી દવાઓ વિશે પૂછો

તમે તમારી નિયમિત દવાઓ લો છો એના સમયમાં ફેરફાર કરવાની જરૂર પડી શકે છે, તેથી તમારા આંતડાની તૈયારી માટે જરૂરી દવાના સમયે જ એ દવા લેવાની નથી. જો સામાન્ય રીતે તમે તમારી દવાઓ તમારા આંતરડાની સફાઈ કરવાની દવાઓ પૈકી કોઈ એક દવા લેવાના સમયે લેતા હો તો તમારી બીજી દવાઓ 1 કલાક પહેલા કે 1 કલાક પછી લેવાનું આયોજન કરો. જો દવા લેવાના સમયનું આયોજન કરવામાં તમને કોઈ મુશ્કેલી પડે તો તમારા ડૉક્ટર અથવા નર્સને કોલ કરો.

જો તમે તમારા રક્તને પાતળું કરવાની દવા લેતા હો જેમ કે તમારા રક્તની ગાંઠો ઓગાળવાની સારવાર માટેની દવા, તમારા ડૉક્ટર તમને બંધ કરવાનું જ કહે ત્યાં સુધી એ દવા લેવાનું બંધ ન કરો. બ્લડ થિનરના કેટલાક ઉદાહરણોમાં વારફેરિન (Coumadin®), ડાલ્ટેપેરિન (Fragmin®), ડેબિગેટ્રન (Pradaxa®, ઇનોક્સેપેરિન (Lovenox®), ક્લોપિડોગ્રેલ (Plavix®, પ્રેસ્યુગ્રેલ (Effient®) અને સિલોસ્ટેઝોલ (Pletal®) નો સમાવેશ થાય છે. બીજી પણ કેટલીક દવાઓ છે, તેથી જો તમને ખાતરી ન હોય તો તમારા ડૉક્ટર સાથે મળી તપાસ કરાવો.

કોન્ટ્રાસ્ટ ડાઈ

કોન્ટ્રાસ્ટ એક ખાસ પ્રકારની ડાઈ છે જે તમારા ડૉક્ટર માટે તમારા શરીરની આસાધારણ બાબતો જોવાનું સરળ બનાવે છે. ઓરલ કોન્ટ્રાસ્ટ ડાઈ એ તમારા VC માટે તમારા આંતરડાની સફાઈની પ્રક્રિયાનો એક ભાગ રહેશે. ભૂતકાળમાં સીટી સ્કેન કરવા ઉપયોગમાં લેવાયેલ કોઈપણ કોન્ટ્રાસ્ટ ડાઈથી જો તમને રિએક્શન આવેલ હોય તો કૃપા કરી એ વિશે તમારા ડૉક્ટરને જણાવો. આમાં બેરિયમ અને આયોડિનેટેડ કોન્ટ્રાસ્ટનો સમાવેશ થાય છે.

જો ઓરલ કોન્ટ્રાસ્ટ વિના તમારે VC કરાવવાનું હોય તો રિસોર્સ How to Prepare for Your Virtual Colonoscopy Without Oral Contrast માટે તમારી નર્સને પૂછો અથવા www.mskcc.org/pe પર એની શોધ કરો.

ડાયાબિટીસ ધરાવતી વ્યક્તિઓ માટે

  • જો તમે ડાયાબિટીસ માટે ઇન્સ્યુલિન કે કોઈ બીજી દવા લેતા હો તો તમારે ડોઝમાં ફેરફાર કરવાની જરૂર પડી શકે છે. પ્રોસીઝર (પ્રક્રિયા) ના એક દિવસ પહેલા અને પ્રોસીઝરના દિવસની સવારે તમારે શું કરવું જોઈએ એ તમારા ડાયાબિટીસની દવા જેમણે લખી આપી હોય એ ડૉક્ટરને પૂછો. પ્રોસીઝરના એક દિવસ પહેલા તમે જે શુદ્ધ પ્રવાહી આહાર લેવાના છો એ તમારા ડૉક્ટરને જણાવો.
  • જો તમે તમારી બ્લડ સુગર (ગ્લુકોઝ) મોનીટર કરો છો તો તમારે એ જ મોનીટરીંગ શેડ્યુલ પર રહેવું જોઈએ કે નહીં એ વિશે તમારા ડૉક્ટરને પૂછો. જો તમારી બ્લડ સુગર 70 થી નીચે જાય છે તો તમારા ડૉક્ટરને કોલ કરો.

તમારી ત્વચા ઉપરથી ઉપકરણોને દૂર કરો

જો તમે તમારી ત્વચા પર નીચેનામાંથી કોઈપણ ઉપકરણો પહેરેલા હોય તો, ઉત્પાદક તમને તમારા સ્કેન અથવા કાર્યવાહી પહેલાં તેને દૂર કરવાની ભલામણ કરે છે:

  • સતત ગ્લુકોઝ મોનિટર (સીજીએમ)
  • ઇન્સ્યુલિન પંપ

તમારે તમારા ઉપકરણને બદલવાની જરૂર હોય તે તારીખની નજીક તમારી અપોઇન્ટમેન્ટના શેડ્યૂલ વિશે તમારા આરોગ્યસંભાળ પ્રદાતા સાથે વાત કરો. ખાતરી કરી લો કે તમારી પાસે તમારી સ્કેન અથવા પ્રક્રિયા પછી ચાલુ કરવા માટે તમારી સાથે એક વધારાનું ઉપકરણ છે.

જો તમને ખાતરી ન હોય કે તમારું ઉપકરણ બંધ હોય ત્યારે તમારા ગ્લુકોઝનું સંચાલન કેવી રીતે કરવું, હેલ્થકેર પ્રદાતા સાથે વાત કરો જે તમારી નિમણૂક પહેલાં તમારી ડાયાબિટીસ સંભાળનું સંચાલન કરે છે.

Back to top

તમારી પ્રોસીઝરના 3 દિવસ પહેલા

ચોક્કસ પ્રકારનો આહાર લેવાનું ટાળો

પચવામાં ભારે હોય એવો ખોરાક ન ખાશો. ખોરાક તમારા VC દરમિયાન લેવામાં આવેલ ચિત્રોમાં તમારા અંગો જોવાનું અઘરું બનાવી શકે છે. જો આમ થાય તો તમારે ફરી વાર પ્રોસીઝર કરાવવાની જરૂર પડી શકે છે.

પચવામાં ભારે હોય એવા ખોરાકના ઉદાહરણો છે:

  • કાચા ફળો અને શાકભાજી. રાંધેલા કે ડબ્બા-પેક તૈયાર હોય એવા શાકભાજી તમે લઈ શકો છો.
  • તૈયાર ડબ્બા-પેક મકાઈ સહિત મકાઈના આખા દાણા
  • પોપકોર્ન (મકાઈની ધાણી)
  • પોટેટો સ્કિન્સ (બટેકાની ચિપ્સ)
  • આખું અનાજ (જેમ કે ઓટમીલ, બ્રાઉન રાઈસ, રાજગરો અથવા ઘઉંની બ્રેડ)
  • બીયા (જેમ કે ખસખસ કે તલ)
  • નટ્સ (બદામ)
Back to top

તમારી પ્રક્રિયાના એક દિવસ પહેલા

તમારા આંતરડાની સફાઈની શરૂઆત

તમારા આંતરડાની સફાઈ વખતે તમને લેક્સેટિવ્સ અને કોન્ટ્રાસ્ટ દવા આપવામાં આવશે. આ સૂચનાઓનું કાળજીપૂર્વક પાલન કરવાની ખાતરી કરો. તમારી VC માટે તમારું મોટું આંતરડું ખાલી હોય એ ખૂબ જ અગત્યનું છે. જો તમારું મોટું આંતરડું ખાલી નહીં હોય તો તમારા આંતરડાની અંદર રહેલ પોલીપ્સ કે બીજી કોઈ સમસ્યાઓ જોવામાં મુશ્કેલી પડશે. જો આમ થાય તો તમારે ફરી વાર પ્રોસીઝર કરાવવાની જરૂર પડી શકે છે.

જો તમને કોઈ પ્રશ્નો હોય તો તમારા ડૉક્ટરની ઑફિસને કોલ કરો.

શુદ્ધ પ્રવાહી આહારને અનુસરો

તમારી પ્રોસીઝરના એક દિવસ પહેલા તમારે શુદ્ધ પ્રવાહી આહાર લેવાનું ચાલું કરવાની જરૂર પડશે. શુદ્ધ પ્રવાહી આહારના કેટલાક ઉદાહરણો નીચેના ટેબલમાં નોંધવામાં આવેલ છે. જ્યારે તમે શુદ્ધ પ્રવાહી આહારને અનુસરી રહ્યા હો ત્યારે:

  • કોઈ નક્કર ખોરાક ન આરોગો.
  • લાલ, જાંબલી કે કેસરી રંગના કોઈ પીણા ન લો.
  • પાણી, કોફી અને ચા ઉપરાંત પણ પુષ્કળ પ્રમાણમાં પ્રવાહી લેવામાં આવે તેની ખાતરી કરો. જ્યારે તમે જાગતા હો ત્યારે ઓછામાં ઓછું દર કલાકે 1 ગલાસ (8-ઔંશ) પ્રવાહી પીવાનો પ્રયાસ કરો.

તમારા આંતરડાની સફાઈના દરેક પગલાં વચ્ચે તમારી ઈચ્છા મુજબ વધુમાં વધુ શુદ્ધ પ્રવાહી પી શકો છો. રાત્રિના સમયે શુદ્ધ પ્રવાહી લેવાનું બંધ કરો.

  શું પીવું શું ન પીવું
સૂપ
  • શુદ્ધ માંસ, સેરવો, મટનનો સૂપ
  • શુદ્ધ પેકેજ્ડ શાકભાજી, ચિકન અથવા બીફ સૂપ-મિક્સ
  • સૂકવેલ આહારથી બનેલ કે સીઝનીંગ કરેલ કોઈપણ પ્રોડક્ટ્સ
ગળી વાનગી
  • ચીકાશયુક્ત પદાર્થ જેમ કે જેલો®
  • ફ્લેવર્ડ બરફ
  • મીઠા પદાર્થો જેમ કે ખાંડ કે મધ
  • લાલ, કેસરી કે જાંબલી રંગની કોઈપણ વસ્તુ
પીણાં
  • પાણી
  • શુદ્ધ ફળના રસ જેમ કે વ્હાઈટ ક્રેનબ્રેરી, સફેદ દ્રાક્ષ, સફરજન
  • સોડા અને સ્પોર્ટ્સ ડ્રિંક્સ જેમ કે 7-Up®, Sprite®, જિંજર એલ, સેલ્ઝર અથવા Gatorade®
  • બ્લેક કોફી
  • ચા
  • શુદ્ધ પ્રવાહી પ્રોટીન પીણાં
  • પલ્પવાળો જ્યુસ
  • મધ
  • દૂધ અથવા મલાઈ
  • આલ્કોહોલયુક્ત પીણાં
  • લાલ, કેસરી કે જાંબલી રંગની કોઈપણ વસ્તુ

તમારા આંતરડા સફાઈના સમયપત્રકનું પાલન કરો

તમારા VC ના એક દિવસ પહેલાથી તમે તમારા આંતરડાની સફાઈને લગતી દવાઓ લેવાનું શરૂ કરશો. આ વિભાગમાં રહેલ દવા લેવાના સમયપત્રકનું પાલન કરો.

તમે તમારી નિયમિત દવાઓ લો છો એના સમયમાં ફેરફાર કરવાની જરૂર પડી શકે છે, તેથી તમારા આંતડાની સફાઈ વખતે જરૂરી દવાના સમયે જ એ દવા લેવાની નથી. જો સામાન્ય રીતે તમે તમારી દવાઓ તમારા આંતરડાની સફાઈ કરવાની દવાઓ પૈકી કોઈ એક દવા લેવાના સમયે લેતા હો તો તમારી બીજી દવાઓ 1 કલાક પહેલા કે 1 કલાક પછી લેવાનું આયોજન કરો. જો તમને તમારી દવા લેવાના સમયનું આયોજન કરવામાં મુશ્કેલી પડી રહી હોય તો તમારા ડૉક્ટર અથવા નર્સને કોલ કરો.

જો તમને કોઈ પ્રશ્નો હોય તો 212-639-7280 પર કોલ કરો. જો ઓફિસ બંધ હોય તો 212-639-2000 પર કોલ કરો અને કોલ પર રેડિયોલોજી બોડીના વ્યક્તિ માટે પૂછો.

આંતરડાની સફાઈ કરવા માટેનું સમયપત્રક

જે સમયે તમે દરેક દવા લો છો એની નોંધ કરવા આ રિસોર્સના અંતમાં આપેલ ટેબલનો ઉપયોગ કરો.

યાદ રાખો કે આ દરેક પગલાંઓ વચ્ચે તમે શુદ્ધ પ્રવાહી પી શકો છો. રાત્રિના સમયે શુદ્ધ પ્રવાહી લેવાનું બંધ કરો.

 

પગલું 1: બિસાકોડાઈલ ટેબ્લેટ્સ

સવારમાં 11.00 વાગ્યા પહેલા કોઈપણ સમયે 2 (5 મિલિગ્રામ) બિસાકોડાઈલ ટેબ્લેટ્સ લો.

  • 1 (8-ઔંશ) ગ્લાસ શુદ્ધ પ્રવાહી સાથે તેને લો.
  • તેને ચાવશો નહીં કે ભુક્કો કરશો નહીં.
  • કેલ્શિયમ કાર્બોનેટ્સ (જેમ કે Tums®) અને હિસ્ટામાઈન-2 બ્લોકર્સ (જેમ કે Zantac®) સહિતની કોઈ એન્ટાસિડ (હૃદયમાં બળતરા કે પેટના દુ:ખાવામાં રાહત આપતી દવા) લીધાના 1 કલાકની અંદર તેને ના લો. વધુ માહિતી માટે તમારા ડૉક્ટરને પૂછો.

બિસાકોડાઈલ ટેબ્લેટ્સ તમે લો એના લગભગ 6 થી 8 કલાક પછી તમારા આંતરડામાં હલનચલન પેદા કરશે. આનાથી પગલાં 2 માં લીધેલ લેક્સેટિવને વધુ સારી રીતે કામ કરવામાં મદદ કરશે. તમે આ ટેબ્લેટ્સ લઈ શકો છો અને તેમ છતાં તમે સામાન્ય પ્રવૃત્તિઓ કરી શકશો કારણ કે એનાથી ભાગ્યે જ ઝાડા (આંતરડામાં ઢીલી અથવા પાણી જેવું હલનચલન, પાતળા ઝાડા) થશે.

પગલું 2: મેગ્નેશિયમ સાઈટ્રેટની પહેલી બોટલ

સાંજના 4:00 વાગ્યે મેગ્નેશિયમ સાઈટ્રેટની પહેલી બોટલ પીઓ.

  • તેનો સ્વાદ ઓછો લાગે એ માટે તમે એને સ્ટ્રૉ વડે પી શકો છો.
  • આ એક લેક્સેટિવ છે, તેથી તમારા આંતરડામાં વધુ વારંવાર હલનચલન થવાનું શરૂ થવું જોઈએ. જેમ જેમ તમે તમારા આંતરડાની સફાઈ ચાલું રાખો છો એમ તમારો ઝાડો વધુ ને વધુ પાતળો અને પાણી જેવો બનશે. તમારે બાથરૂમની પાસે જ રહેવું પડશે. લેક્સેટિવ કામ કરવાનું શરૂ કરે એ માટે લાગતો સમય દરેક વ્યક્તિ માટે અલગ-અલગ હોઈ શકે છે.
  • પગલું 2 પૂર્ણ કર્યા પછી 2 કલાકની અંદર તમારા આંતરડામાં હલનચલન શરૂ ન થાય તો તમારા ડૉક્ટરને કોલ કરો.
  • દરેક વખતે ઝાડો આવ્યા પછી તમારા મળાશયની આજુબાજુની ત્વચા પર પેટ્રોલિયમ જેલી (Vaseline®) અથવા A & D® ઓઈન્ટમેન્ટ લગાડો. આ બળતરા થતી અ‍ટકાવવામાં મદદ કરે છે.

આગામી બીજા 2 કલાકમાં ઓછામાં ઓછું 4 થી 6 કપ (32 થી 48 ઔંશ) શુદ્ધ પ્રવાહી પીઓ.

પગલું 3: લિક્વિડ બેરિયમ સલ્ફેટ સસ્પેન્શન અને મેગ્નેશિયમ સાઈટ્રેટની બીજી બોટલ

સાંજના 6:00 વાગ્યે લિક્વિડ બેરિયમ સલ્ફેટ સસ્પેન્શન અને મેગ્નેશિયમ સાઈટ્રેટની બીજી બોટલ પીઓ.

આગામી બીજા 2 કલાકમાં ઓછામાં ઓછું 4 થી 6 કપ (32 થી 48 ઔંશ) શુદ્ધ પ્રવાહી પીઓ.

પગલું 4: લોહેક્સોલ

રાત્રે 8:00 વાગ્યે લોહેક્સોલની બોટલ પીઓ.

  • તમે 8 ઔંશ સાફ જ્યુસ, પાણી કે સોડા સાથે લોહેક્સોલ મિક્સ કરી શકો છો. તમે પહેલા લોહેક્સોલ અને પછી એના ઉપર 8 ઔંશ શુદ્ધ જ્યુસ, પાણી કે સોડા પી શકો છો.
  • પ્લાસ્ટિકની બોટલમાં ઉપર એક પુલ-ટેબ હોય છે પણ તમારે તેને ખેંચવાની જરૂર નથી. એના કરતા તેને દૂર કરવા ઉપરનો આખો ભાગ મરોડીને ફેરવો. કોન્ટ્રાસ્ટ પીતા પહેલા બ્લેક રબર સ્ટોપર હટાવો.
  • આયોહેક્સોલની બોટલ દર્શાવે છે કે તે ઈન્જેક્શન માટે છે, પણ તેને મૌખિક રીતે (મોં વાટે) પણ લઈ શકાય છે. અમે ઈચ્છીએ છીએ કે તમે આ દવા પીઓ જેથી કરીને તમારા VC ના સમય સુધીમાં એ તમારા આંતરડામાં પહોંચી જશે.

હવે તમારા ઝાડા પાણી જેવા એકદમ પાતળા અને પીળાશ પડતા પારદર્શક હોવા જોઈએ. આ એવો સંકેત છે કે તમારા આંતરડા હવે સાફ થઈ રહ્યા છે. જો તમારા આંતરડા સાફ થઈ રહ્યા ન હોય, તો 212-639-7280 પર કોલ કરો અને કોલ પર નર્સ અથવા કોઈ વ્યક્તિ સાથે વાત કરાવવા માટે કહો.

‌   
મધ્યરાત્રિ પછી પાણીના થોડા ઘુંટ સાથે તમારી દવાઓ સિવાય બીજી કોઈ વસ્તુ ખાઓ કે પીઓ નહીં.


 

Back to top

તમારી પ્રક્રિયાનો દિવસ

પાણીના થોડા ઘુંટ સાથે તમે ડૉક્ટરે લખી આપ્યા મુજબ સામાન્યપણે તમારે દરરોજ લેવાની દવાઓ લઈ શકો છો.

શું અપેક્ષા રાખવી

તમે હોસ્પિટલ પહોંચી જાઓ પછી નર્સ અને અન્ય કર્મચારી સભ્યો એકથી વધુ વખત તમને તમારું નામ અને તમારી જન્મ તારીખ જણાવવા માટે કહેશે. આ તમારી સલામતી માટે છે. આ જ નામના અથવા એના જેવા નામના બીજા લોકો પર આ દિવસે પ્રક્રિયા કરવાની હોઈ શકે છે.

તમારી પ્રોસીઝર માટે જ્યારે કપડા બદલવાનો સમય આવે ત્યારે તમને તમારા કપડા બદલી હોસ્પિટલ ગાઉન પહેરી લેવાનું કહેવામાં આવશે.

તમને CT પરીક્ષણ રૂમમાં લઈ જવામાં આવશે જ્યાં તમને CT ટેબલ પર સૂવડાવવામાં આવશે. તમારા મળાશયની અંદર એક નાનકડી ટ્યુબ મૂકવામાં આવશે અને તમારા પગ કે કુલ્હાની વચ્ચે સ્થિર કરવામાં આવશે. તમને એમ લાગશે કે તમારા મળાશયની તપાસ થઈ રહી છે. આ ટ્યુબ તમારા આંતરડાને હવા અથવા ગેસથી ફુલાવીને પહોળું કરશે જેથી તમારા ટેકનોલોજિસ્ટ વધુ સારી રીતે જોઈ શકે. હવા કે ગેસને તમારા આંતરડામાંથી પસાર થવામાં મદદ મળે એ માટે તમને અવારનવાર તમારી સ્થિતિ બદલવા માટે કહેવામાં આવશે. તમે તમારા પડખા પર, પીઠ પર અને પેડુ (પેટ) પર સૂઈ રહેશો.

VC આમ તો પીડાકારી નથી, પણ તમને થોડું ફુલાવવામાં આવી રહ્યું હોય એવો, થોડીક પ્રતિકૂળતા કે ખેંચાણનો અનુભવ થઈ શકે છે. તમારા આંતરડામાં કંઈક હલનચલન થઈ રહી હોય એવું પણ તમને લાગી શકે છે. તમારે પ્રોસીઝર પછી તમને આવી કોઈ અનુભૂતિ નહીં થાય.

CT સ્કેનરથી ફોટા લેતી વખતે તમને લગભગ 10 સેકન્ડ માટે શ્વાસ રોકી રાખવાનું કહેવામાં આવશે. તમારા ટેકનોલોજિસ્ટ ઓછામાં ઓછી 2 જુદી જુદી સ્થિતિઓમાં (સામાન્ય રીતે જ્યારે તમે પીઠ અને પેટ પર સૂઈ રહ્યા હો ત્યારે) તમારા પેડુ અને બસ્તિપ્રદેશના ફોટા લેશે.

Back to top

તમારી પ્રોસીઝર પછી

  • તમારા VC પછી તમે તમારો સામાન્ય આહાર લેવાનું ચાલુ રાખી શકશો.
  • તમારા VC પછી તમારા પેટમાં તમને થોડાક ખેંચાણનો અનુભવ થઈ શકે છે. તમારી પ્રોસીઝર દરમિયાન ઉપયોગ થતાં ગેસને લીધે આમ થાય છે. ચાલવાથી ગેસ છૂટો પડવામાં અને તમારા ખેંચાણને ઓછું કરવામાં મદદ મળી શકે છે.
  • તમારા પરિણામો મેળવવામાં સામાન્ય રીતે 2 થી 3 કામકાજી દિવસનો સમય લાગે છે. જ્યારે પરિણામો તૈયાર થઈ જશે ત્યારે જે ડૉક્ટરે તમને તમારા VC માટે જે ડૉક્ટરે તમને મોકલ્યા હતા તે તમને કોલ કરશે.
Back to top

તમારા સ્વાસ્થ્ય સારવાર પ્રદાતાને ક્યારે કોલ કરવો

જો તમને નિમ્નલિખિત હોય તો તમારા હેલ્થકેરને કોલ કરો:

  • 101° F (38.4° C) કે તેથી વધારે તાવ
  • પેટમાં સામાન્ય ખેંચાણ સિવાય પેટનો દુ:ખાવો
  • તમારા મળાશયમાંથી લોહી નીકળતું હોય, જો કે તમારા VC કર્યા પછીના 24 કલાકમાં ટોઈલેટ પેપર પર બહુ ઓછી માત્રામાં લોહી હોય એ સામાન્ય છે.
  • શરીરમાં કમજોરી અથવા અશક્તિ
  • ઉબકા આવવા કે ઉલટી થવી
 
Back to top

આંતરડાની સફાઈ માટેનું સમયપત્રક

પગલું નિર્ધારિત સમય ખરેખર લાગેલ સમય લેવાની દવા(ઓ)
1 સવારના 11:00 વાગ્યા પહેલા  
  • 2 (5 મિલિગ્રામ) બિસાકોડાઈલ ટેબ્લેટ્સ
2 સાંજે 4:00 વાગ્યે  
  • મેગ્નેશિયમ સાઈટ્રેટની 1 (296 મિલિલીટર) બોટલ
3

સાંજે 6:00 વાગ્યે

 
  • લિક્વિડ બેરિયમ સલ્ફેટ સસ્પેન્શનની 1 (225 મિલિલીટર) બોટલ
  • મેગ્નેશિયમ સાઈટ્રેટની 1 (296 મિલિલીટર) બોટલ
4

રાત્રે 8:00 વાગ્યે

 
  • આયોહેક્સોલની 1 (50 મિલિલીટર) બોટલ
Back to top

Last Updated