آپ کے سٹیم سیل ٹرانسپلانٹ سے متعلق: مریض بچوں کے بارے میں معلومات

MSK میں Claire Tow Pediatric Inpatient Unit (M9) میں خوش آمدید۔ اس گائیڈ میں آپ کے ہسپتال میں قیام کے بارے میں معلومات اور ڈسچارج کے بعد کیا کرنا ہے کے بارے میں معلومات شامل ہیں۔ اس گائیڈ میں لفظ “آپ” سے مراد آپ یا آپ کا بچہ ہے۔

جب آپ کو ہسپتال میں داخل کیا جائے گا، تو ایک کاؤنٹ ڈاؤن مدت شروع ہو جائے گی۔ کاونٹ ڈاؤن کے دوران آپ کو کیموتھراپی سمیت سائٹوریڈکٹیو تھراپی، ریڈی ایشن تھراپی یا دونوں دی جائیں گی۔ یہ علاج آپ کے جسم کو ٹرانسپلانٹ کے لیے تیار کریں گے۔

دن 0 آپ کے ٹرانسپلانٹ کا دن ہوتا ہے۔ آپ کے سٹیم سیل ٹرانسپلانٹ کے بعد کے دنوں کو شمار کیا جاتا ہے (دن +1 آپ کے ٹرانسپلانٹ کے بعد پہلا دن ہوتا ہے)۔

آپ کی دیکھ بھال کرنے والی ٹیم آپ کے علاج کے دوران آپ اور آپ کے خاندان دونوں کو دیکھ بھال اور جذباتی مدد فراہم کرنے کے لیے موجود ہے۔ ایک ہی سوال ایک سے زیادہ بار پوچھنے سے نہ گھبرائیں۔ ٹرانسپلانٹ کی معلومات کو سمجھنا مشکل ہے۔ زیادہ تر لوگوں کو چند بار سننے کے بعد چیزیں مکمل طور پر سمجھ آتی ہیں۔ ہم جانتے ہیں کہ آپ کا سفر مشکل ہو گا، لیکن ہم ہر قدم پر آپ کے ساتھ ہوں گے۔

آپ کی ٹرانسپلانٹ ٹیم

بچوں کے کینسر، خون کی بیماریوں، مدافعتی امراض اور بون میرو فیلیئر سنڈروم میں مہارت رکھنے والی ایک میڈیکل ٹیم آپ کے علاج کے دوران آپ کی دیکھ بھال کرے گی۔ آپ کی دیکھ بھال کے لیے ایک ٹیم کا ساتھ مل کر کام کرنا اس بات کو یقینی بناتا ہے کہ آپ کی دیکھ بھال کے تمام پہلوؤں پر توجہ دی گئی ہے۔ ہمارے ٹیم ممبران کی تفصیل یہ ہے۔

فزیشنز (ڈاکٹر)

اٹینڈنگ فزیشنز پیڈیاٹرکس، ہیماٹولوجی-آنکولوجی، امیونو تھراپی اور سٹیم سیل ٹرانسپلانٹیشن کے ماہرین ہوتے ہیں۔ پیڈیاٹرک ایمبولیٹری کیئر سنٹر میں آپ جس ڈاکٹر کو دیکھتے ہیں وہ اس ڈاکٹر سے مختلف ہو سکتا جو ہسپتال میں ایڈمٹ ہونے کے دوران آپ کی دیکھ بھال کرتا ہے۔ ٹرانسپلانٹ ڈاکٹر باری باری ایڈمٹ مریضوں کے یونٹ میں کام کرتے ہیں۔ وہ عام طور پر ایک وقت میں 1 یا 2 ہفتوں کے لیے ایڈمٹ مریضوں کے یونٹ میں کام کرتے ہیں۔ اس دوران وہ دن میں 24 گھنٹے ٹرانسپلانٹ کے تمام مریضوں کی دیکھ بھال کرتے ہیں۔ جب آپ ہسپتال میں ایڈمٹ ہوں گے تو یونٹ میں ڈیوٹی پر موجود فزیشن آپ کی روزانہ دیکھ بھال کا ذمہ دار ہوگا۔ اگر آپ کے ہسپتال میں قیام کے دوران کوئی بڑا مسئلہ پیش آئے تو ایڈمٹ مریضوں کی دیکھ بھال کرنے والا ڈاکٹر آپ کے پرائمری ٹرانسپلانٹ ڈاکٹر سے اس کے بارے میں بات کرے گا۔ ہفتے میں ایک بار ڈیوٹی دینے والے تمام فزیشنز آپ کی پیشرفت پر بات کرنے کے لیے اکھٹے ہوتے ہیں۔

فیلوز پیڈیاٹرک ہیماٹولوجی-آنکولوجی میں ٹریننگ لینے والے پیڈیاٹریشنز ہیں۔ وہ آپ کی دیکھ بھال کو منظم کرنے کے لیے اٹینڈنگ فزیشن کے ساتھ مل کر کام کرتے ہیں۔ ایڈمٹ مریضوں کے یونٹ میں کام کرنے والا ہر 3 سے 5 ہفتے بعد تبدیل ہوتا ہے۔

ایڈوانس پریکٹس پرووائیڈرز (APPs)

APPs طبی فراہم کنندہ کا ایک گروپ ہے جس میں (فزیشن اسسٹنٹس (PAs) اورنرس پریکٹیشنرز (NPs) شامل ہیں۔ وہ آپ کی دیکھ بھال کے لیے اٹینڈنگ فزیشنز کے ساتھ کام کرتے ہیں۔ اس میں جسمانی معائنے کرنا، دوائیں تجویز کرنا، اور آپ کے ٹیسٹ کے نتائج اور پیشرفت کو فالو کرنا شامل ہے۔ آپ انہیں اپنے سٹیم سیل ٹرانسپلانٹ سے پہلے اور بعد میں پیڈیاٹرک ایمبولیٹری کیئر سنٹر میں اور ایڈمٹ مریضوں کے یونٹ میں اکثر دیکھیں گے۔

پیڈیاٹرک بون میرو ٹرانسپلانٹ (BMT) نرس کوآرڈینیٹرز

یہ رجسٹرڈ نرسیں ہیں جو آپ کے ہسپتال آنے سے پہلے تمام پیڈیاٹرک سٹیم سیل ٹرانسپلانٹ مریضوں کی تشخیص اور تیاری کو منظم کرتی ہیں۔ وہ آپ کے ساتھ اور پوری BMT ٹیم کے ساتھ بہت قریب سے کام کرتی ہیں تاکہ یہ یقینی بنایا جا سکے کہ آپ کے تمام ٹرانسپلانٹ سے پہلے کے خون کے ٹیسٹ، ٹیسٹ، اور طریقہ کار مکمل ہو چکے ہوں۔

وہ آپ کو آپ کے سٹیم سیل ٹرانسپلانٹ کے بارے میں تعلیم دینے کی بھی ذمہ دار ہیں۔ وہ یہ یقینی بنانے میں مدد کریں گی کہ آپ اپنے علاج کی وجوہات اور ہسپتال میں قیام سے پہلے اور دوران علاج کی تفصیلات کو سمجھیں۔ وہ آپ کی دیکھ بھال کرنے والی ٹیم کے ساتھ مل کر یہ بھی یقینی بنائیں گی کہ آپ کو ٹرانسپلانٹ سے صحت یاب ہونے اور ہسپتال سے جانے کے بعد ضروری مدد، وسائل، اور سامان دستیاب ہو۔

رجسٹرڈ نرسیں (RNs)

RNs ضروری بیڈ سائیڈ کیئر فراہم کرتی ہیں۔ یہ آپ کے علاج، شفا یابی اور ریکوری کے مختلف پہلوؤں سے نبرد آزما ہونے کے لیے ڈاکٹروں اور معاون ٹیم کے ساتھ مل کر کام کرتی ہیں۔ آپ کے علاج کے دوران، آپ کی نرس آپ کو بہت سے موضوعات کے بارے میں تعلیم دے گی، جن میں یہ شامل ہیں کہ آپ کون سی دوائیں لے رہے ہیں، آپ انہیں کیوں لے رہے ہیں، اپنے سنٹرل لائن کی دیکھ بھال کیسے کریں، اور بہت کچھ۔ آپ کے پورے ہسپتال میں قیام کے دوران ایک ہی پرائمری نرسنگ ٹیم آپ کی دیکھ بھال کرے گی۔ آپ کی پرائمری نرسیں آپ کے ساتھ قریبی تعلق بناتی ہیں اور آپ کی حالت میں چھوٹی سے چھوٹی تبدیلیوں کو بھی محسوس کر سکتی ہیں۔

ریسرچ نرسیں اور ریسرچ APPs

رجسٹرڈ نرسیں اور APPs ہی کلینیکل ٹیم کے ساتھ مل کر مختلف ریسرچ سٹڈیز پر کام کرتے ہیں جن میں مریض بچے حصہ لے سکتے ہیں۔

نرسنگ اسسٹنٹس

نرسنگ اسسٹنٹس بنیادی بیڈ سائیڈ کیئر میں رجسٹرڈ نرسوں کی مدد کرتے ہیں، جیسے ہر روز آپ کا وزن اور اہم علامات (درجہ حرارت، دل کی دھڑکن اور بلڈ پریشر) چیک کرنا۔ وہ ہر روز نہانے میں آپ کی مدد کرتے ہیں۔

سائیکولوجی سروسز

سائیکولوجی ٹیم سائیکیٹرسٹس اور سائیکولوجسٹس پر مشتمل ہے۔ وہ آپ اور آپ کے خاندان کو علاج کے تناؤ سے نمٹنے میں مدد کے لیے موجود ہیں۔ وہ ٹرانسپلانٹ ٹیم کا ایک اہم حصہ ہیں۔ ہم ان سے درخواست کرتے ہیں کہ وہ تمام مریضوں اور ان کے خاندانوں سے ان کے ہسپتال میں قیام کے دوران ملاقات کرے گی۔

ری ہیبلیٹیشن میڈیسن ٹیم

ری ہیبلیٹیشن میڈیسن ٹیم میں فزیکل تھراپسٹ (PTs) اور آکیوپیشنل تھراپسٹ (OTs) دونوں شامل ہیں۔ یہ آپ کے ہسپتال میں قیام کا ایک بہت بڑا حصہ ہیں۔ یہ آپ کے ساتھ مل کر کام کریں گے اور آپ کی ضروریات کا جائزہ لیں گے تاکہ آپ زیادہ سے زیادہ فعال رہ سکیں۔

نیوٹریشن سروسز

نیوٹریشن سروسز ٹیم میں آؤٹ پیشنٹ اور ان پیشنٹ کلینکل ڈائیٹشین نیوٹریشنسٹ دونوں ہوتے ہیں۔ یہ آپ کے وزن پر نظر رکھیں گے اور اس بات کو یقینی بنائیں گے کہ آپ کے سٹیم سیل ٹرانسپلانٹ سے پہلے، اس کے دوران اور بعد میں آپ کو خاطرخواہ غذائیت ملے گی۔

ایک روم سروس ایسوسی ایٹآپ کو بتائے گا کہ روم سروس کیسے کام کرتی ہے، جس میں کام کے اوقات، وہ مخصوص مینو جو آپ کی طبی اور ثقافتی غذائی ضروریات کو پورا کرتے ہیں، اور آرڈر دینے کا طریقہ شامل ہے۔ وہ یہ یقینی بنائیں گے کہ آپ کو دن بھر میں ضروری کھانے، ناشتے، اور سپلیمنٹس ملتے رہیں۔

پیڈیاٹرک گیسٹروانٹسٹینل(GI) سروس

پیڈیاٹرک GI سروس میں GI مسائل میں مبتلا بچوں کی دیکھ بھال میں مہارت رکھنے والے ہیلتھ کیئر پرووائیڈرز شامل ہیں۔ اگر آپ کو اپنے سٹیم سیل ٹرانسپلانٹ سے پہلے GI مسائل تھے یا ٹرانسپلانٹ کے بعد نئے مسائل پیدا ہوئے ہیں، تو پیڈیاٹرک GI ٹیم کا ایک ہیلتھ کیئر فراہم کرنے والا آپ کی دیکھ بھال کرنے والی ٹیم کے دیگر اراکین کے ساتھ مل کر آپ کے GI حالت کی تشخیص اور علاج کے لیے کام کرے گا۔

پیڈیاٹرک پین اینڈ پیلی ایٹو کیئر ٹیم

پیڈیاٹرک پین اینڈ پیلی ایٹو کیئر ٹیم (PACT) ڈاکٹرز اور APPs کی ایک ٹیم ہے جو MSK Kids میں سنگین بیماریوں کا سامنا کرنے والے بچوں اور خاندانوں کو سپورٹ فراہم کرتی ہے۔ پیلی ایٹو کیئر کا مقصد علاج کے دوران مریضوں اور ان کے اہل خانہ کی مدد کے دوران ان کی جسمانی، نفسیاتی، سماجی اور روحانی پریشانیوں کا اندازہ لگانا، ان کی روک تھام اور ان سے نمٹنا ہے۔ پیلی ایٹو کیئر اہم اور مددگار ہے اس سے قطع نظر کہ مریض کی عمر کتنی ہے، وہ بیماری کے کس مرحلے میں ہے، وہ بیرونی مریض ہے یا ہسپتال میں داخل ہے۔

PACT کا مقصد درد اور دیگر علامات کے علاج کے ذریعے ہمارے نوجوان مریضوں کے معیار زندگی کو بہتر بنانا ہے۔ وہ درد کے لیے خصوصاً نئی دوائیوں اور اختراعی طریقہ کار کے حوالے سے ہماری ٹیم کو رہنمائی فراہم کرنے کے لیے دستیاب ہیں۔

PACT آپ کی ترجیحات، اقدار اور ثقافتی عقائد کا احترام کرتا ہے اور آپ اور آپ کے خاندان کی حوصلہ افزائی کرتا ہے کہ آپ اپنے مقاصد اور کیئر پلانز کے بارے میں سرگرمی سے فیصلے کریں۔ PACT آپ کی کیئر ٹیم کے تمام اراکین کے ساتھ مل کر کام کرے گا تاکہ اس بات کو یقینی بنایا جا سکے کہ آپ اور آپ کے خاندان کو بہترسے بہتر زندگی گزارنے کے لیے درکار تعاون حاصل ہے۔

فارماسسٹ

ایک کلینیکل فارماسسٹ جو سٹیم سیل ٹرانسپلانٹ کرانے والے مریضوں کی دیکھ بھال میں مہارت رکھتا ہے، آپ کی دوائیوں کا جائزہ لے گا۔ وہ آپ کو یہ سکھائیں گے کہ انہیں کیسے لینا ہے اور ان کے ممکنہ مضر اثرات کے بارے میں بتائیں گے۔ وہ گھر کے لیے آپ کی دوائیوں کا شیڈول تیار اور فراہم کریں گے اور یہ یقینی بنائیں گے کہ ہسپتال سے جانے سے پہلے آپ کی دوائیں آپ کے کمرے میں پہنچا دی جائیں۔ وہ ان پیٹینٹ فلور کے ساتھ ساتھ آؤٹ پیٹینٹ کلینک میں بھی دستیاب ہیں تاکہ کسی نئی دوائی یا آپ کے خوراک اور دوائیوں کے شیڈول میں کسی بھی تبدیلی کا جائزہ لیا جا سکے۔

سپورٹیو سروسز

آپ کی ٹرانسپلانٹ ٹیم آپ کو ہماری فرٹیلیٹی سروس سے ملنے کی سفارش کر سکتی ہے۔ فرٹیلیٹی سروس یہ بات چیت کرے گی کہ آپ کا علاج آپ کے مستقبل میں بچے پیدا کرنے کی صلاحیت کو کیسے متاثر کر سکتا ہے، اور وہ اقدامات جو آپ اپنی فرٹیلیٹی کو محفوظ رکھنے کے لیے اٹھا سکتے ہیں۔ سوشل ورکرز آپ کو فرٹیلیٹی علاج کی لاگت کو منظم کرنے میں بھی مدد کر سکتے ہیں اگر آپ دلچسپی رکھتے ہیں اور اہل ہیں۔

سپورٹیو سروسز بھی دستیاب ہیں جن میں سوشل ورک، چائلڈ لائف، سائیکالوجی، ٹیچرز، سپرچوئل کیئر، اور انٹیگریٹو میڈیسن شامل ہیں۔

ماحولیاتی سروسز

ماحولیاتی سروس اسٹاف کے اراکین سطحوں کو جراثیم سے پاک کرنے، فرش، باتھ روم، اور ہوا کے وینٹس کو صاف کرنے، اور کوڑے کرکٹ کو ٹھکانے لگانے کے ذریعے آپ کے انفیکشن کے خطرے کو کم کرنے میں اہم کردار ادا کرتے ہیں۔ وہ آپ کے کمرے کو صاف رکھنے کے لیے دن میں کم از کم 2 بار اور ضرورت پڑنے پر آپ کے کمرے میں آئیں گے۔

آپ کا ہسپتال کا کمرہ

جب آپ کو ہسپتال میں داخل کیا جائے گا تو آپ ایک پرائیویٹ کمرے میں ہوں گے۔ اسے حفاظتی تنہائی کہتے ہیں۔

آپ اپنے اپنے پیجامے یا آرام دہ کپڑے پہن سکتے ہیں، یا آپ ہسپتال کا گاؤن بھی پہن سکتے ہیں۔ براہ کرم بیڈ سے نکل کر پھسلنے سے محفوظ جوتے پہنیں۔ آپ کی نرس آپ کو ہسپتال کی پھسلنے سے محفوظ جرابیں دے گی یا آپ گھر سے چپل لا سکتے ہیں۔

حفاظتی تنہائی کی احتیاطی تدابیر

جب آپ ہسپتال میں داخل ہوں گے تو، آپ کو جراثیم سے بچنے کے لیے حفاظتی تنہائی کی احتیاطی تدابیرپرعمل کرنا ہو گا اس کا مطلب ہے کہ کمرے میں موجود آپ کے علاوہ کسی بھی شخص کو ہاتھ دھونے، ماسک اور دستانے پہننے ضروری ہیں۔ اس کا یہ مطلب بھی ہے کہ آپ صرف اسی وقت کمرہ چھوڑ سکتے ہیں جب آپ کو کسی ٹیسٹ یا پروسیجر کے لیے جانا ہو۔ آپ اپنا کمرہ سجا سکتے ہیں لیکن ہسپتال میں قیام کے دوران آپ کمرے میں تازہ پھول یا پودے نہیں رکھ سکتے۔ یہ بیکٹیریا اور فنگس کا ذریعہ ہیں۔

اگر آپ کو انفیکشن ہو جاتا ہے جیسے C. ڈیفیسائل تو آپ کو اسپیشل کنٹیکٹ آئسولیشن کی احتیاطی تدابیر پر عمل کرنا ہو گا۔ اگر آپ کو سانس کا انفیکشن ہو جائے تو آپ کو ڈراپلیٹ آئسولیشن کی احتیاطی تدابیر پر عمل کرنا ہو گا۔

آپ کا روزمرہ کا معمول

راؤنڈز

آپ کی ہیلتھ کیئر ٹیم ہر روز آپ کے خون کے ٹیسٹ کے نتائج، سیال کا استعمال اور اخراج، حیاتیاتی علامات، دوائیوں، اور آپ کے علاج کے جواب پر تبادلہ خیال کرنے کے لیے ملے گی۔ وہ آپ کا کیئر پلان بھی بنائے گی۔ اس میٹنگ کو راؤنڈز کہتے ہیں۔

ہر روز صبح آپ کی دیکھ بھال کرنے والا APP آئے گا اور آپ کا معائنہ کرے گا تاکہ وہ راؤنڈز کے دوران ٹیم کو آپ کی جسمانی تشخیص پر اپ ڈیٹ کر سکے۔ آپ کی ٹیم اس دن کے لیے آپ کے کیئر پلان پر بات کرنے کے بعد آپ کے کمرے آئے گی اور آپ کا معائنہ کرے گی۔ صبح کے راؤنڈز سے پہلے اٹھنا اور کپڑے تبدیل کرنا بہتر ہے تاکہ آپ ٹیم کے پہنچنے پر ان سے بات کرنے کے لیے تیار ہوں۔

بعض اوقات ٹرانسپلانٹ کا عمل بہت اعصاب شکن ہوتا ہے۔ آپ اور آپ کی نگہداشت کرنے والے اس گائیڈ کے پیچھے خالی جگہ کو راؤنڈز سے پہلے اپنے سوالات لکھنے کے لیے استعمال کر سکتے ہیں تاکہ آپ کو یاد رہے کہ کیا پوچھنا ہے۔

وزن

دن میں 1 سے 2 بار آپ کا وزن کیا جائے گا۔ آپ کی کیئر ٹیم کے لیے یہ جاننا ضروری ہے کہ صبح کے راؤنڈز سے پہلے آپ کا وزن کتنا ہے۔ یہ عام طور پر رات 12 بجے سے صبح 9 بجے کے درمیان ہوتا ہے۔ وہ آپ کے علاج کے بارے میں اہم فیصلے کرنے کے لیے اس معلومات کا استعمال کریں گے۔ سٹیم سیل ٹرانسپلانٹ کے لیے ہسپتال میں قیام کے دوران وزن میں زیادہ تر تبدیلیاں فلوئڈ (پانی) کے کم یا زیادہ ہونے کی وجہ سے ہوتی ہیں۔

وائٹل سائنز

آپ کی دیکھ بھال کرنے والی ٹیم دن اور رات دونوں وقت کم از کم ہر 4 گھنٹے بعد آپ کی حیاتیاتی علامات (بلڈ پریشر، درجہ حرارت، نبض، سانس لینے کی شرح، اور خون میں آکسیجن کی سطح) چیک کرے گی۔ کوئی بھی پسند نہیں کرتا کہ اسے جگایا جائے لیکن یہ پیمائشیں اہم ہیں۔ اگر آپ کی حیاتیاتی علامات میں تبدیلی آئے، تو آپ کی دیکھ بھال کرنے والی ٹیم کو آپ کا جائزہ لینے کی ضرورت پڑ سکتی ہے۔

انٹیک اور آؤٹ پٹ

آپ کی کیئر ٹیم اس بات کی نگرانی کرے گی کہ آپ ہر روز (منہ اور IV لائن کے ذریعے) کتنا کھانا اور لیکویڈ لیتے ہیں۔ وہ آپ کے پیشاب، سٹول (پاخانہ) اور الٹی (قے) کو بھی ماپیں گے۔ اپنے پیشاب (پی)، پاخانہ (پوپ)، یا الٹی (تھرو اپ) کو ٹوائلٹ میں فلش نہ کریں۔ آپ کی نرس یا نرسنگ اسسٹنٹ ان کی پیمائش کر کے انہیں فلش کرے گا۔

آپ کا پیشاب، الٹی یا پاخانہ ہینڈل کرتے وقت آپ کی دیکھ بھال کرنے والے کو ہمیشہ دستانے پہننے چاہئیں۔ کچھ کیموتھراپی دوائیں آپ کے پیشاب کے ذریعے آپ کے جسم سے خارج ہوتی ہیں۔ وائرس اور بیکٹیریا پیشاب اور پاخانہ (پوپ) میں موجود ہو سکتے ہیں۔

بلڈ ٹیسٹس

آپ کے ٹیسٹ کے لیے خون کم از کم دن میں ایک بار اور کبھی کبھی اس سے بھی زیادہ بار لیا جائے گا۔ آپ کا خون آپ کے سنٹرل وینس کیتھیٹر (CVC) سے لیا جائے گا۔ عام طور پر رات کو آپ کا خون لیا جائے گا تاکہ صبح ڈاکٹر کے راؤنڈ کے وقت آپ کے ٹیسٹ کے نتائج تیار ہوں۔

اکثر کیے جانے والے خون کے ٹیسٹس میں شامل ہیں:

• کمپلیٹ بلڈ کاؤنٹ (CBC). یہ ٹیسٹ آپ کے خون کو بنانے والے خلیوں کی پیمائش کرتا ہے: سفید خون کے خلیے، سرخ خون کے خلیے، اور پلیٹلیٹس۔
• بیسک میٹابولک پینل۔ یہ ٹیسٹ آپ کے الیکٹرولائٹ لیول، گردے کے فنکشن اور گلوکوز (شوگر) لیولز کی پیمائش کرتا ہے۔
• ہیپاٹک فنکشن۔ یہ ٹیسٹ ٹوٹل پروٹین، البومن، بائلیروبن اور لیور اینزائمز کے لیولز کی پیمائش کرتا ہے۔
• -(ایپسٹین بار وائرس (EBV)،(سائٹومیگالو وائرس (CM)، اور ایڈینو وائرسوائرل انفیکشن ہیں جن کی ہم ہفتے میں کم از کم ایک بار جانچ کرتے ہیں کیونکہ یہ کبھی کبھار سٹیم سیل ٹرانسپلانٹ کے بعد مریضوں میں دیکھے جاتے ہیں۔

انتقال خون کا عمل

آپ کی ٹیم آپ کے بلڈ ٹیسٹ کے نتائج کی بنیاد پر فیصلہ کرے گی کہ آپ کو ریڈ بلڈ سیلز یا پلیٹلیٹس کے ٹرانسفیوژن کی ضرورت ہے یا نہیں۔

جب تک آپ کے بون میرو میں سٹیم سیل بننا شروع نہیں ہوتے آپ کے نتائج معمول سے کم ہوں گے۔ سٹیم سیل ٹرانسپلانٹ کروانے کے بعد آپ کے خاندان کے افراد سے ریڈ بلڈ سیلز، پلیٹلیٹس یا دونوں عطیہ کرنے کے لیے کہا جا سکتا ہے۔

آپ کا خون آپ کے جسم کے تمام سیلز تک آکسیجن اور غذائیت پہنچاتا ہے۔ اس کے علاوہ بلڈ سیلز انفیکشن سے لڑتے اور خون کو بہنے سے روکتے ہیں۔ خون 4 حصوں پر مشتمل ہوتا ہے: ریڈ سیلز، وائٹ سیلز، پلیٹلیٹس اور پلازما۔

• ریڈ بلڈ سیلز آکسیجن آپ کے پھیپھڑوں سے سیلز تک پہنچاتے ہیں۔ یہ ویسٹ پراڈکٹ کاربن ڈائی آکسائیڈ کو آپ کے پھیپھڑوں میں واپس بھی لاتے ہیں جہاں سے اسے خارج کیا جاتا ہے۔ ہیموگلوبن دکھاتا ہے کہ ریڈ بلڈ سیلز کتنی آکسیجن لے جا سکتے ہیں اور یہی وہ ویلیو ہے جو ہم یہ فیصلہ کرنے کے لیے دیکھتے ہیں کہ آپ کو ریڈ بلڈ سیلز ٹرانسفیوژن کی ضرورت ہے یا نہیں۔
• وائٹ بلڈ سیلز انفیکشن سے لڑتے ہیں اور آپ میں قوت مدافعت پیدا کرتے ہیں۔ وائٹ بلڈ سیلز کی 3 اقسام ہیں: گرینولوسائٹس، مونوکیٹس اور لیمفوسائٹس۔ ہر قسم اپنے طریقے سے انفیکشن سے لڑنے میں آپ کے جسم کی مدد کرتی ہے۔ آپ اصطلاح ANC سنیں گے، جس کا مطلب ایبسلوٹ نیوٹروفل کاؤنٹ ہے۔ آپ کا ANC آپ کے وائٹ بلڈ سیلز کاؤنٹ میں نیوٹروفلز کی کل تعداد ہے۔ ANC جتنا کم ہوگا انفیکشن کا خطرہ اتنا ہی زیادہ ہوگا۔
• پلیٹلیٹس بے رنگ سیلز ہیں جن کا بنیادی کام خون کو بہنے سے روکنا ہے۔ جب آپ کا پلیٹلیٹس کاؤنٹ کم ہو تو آپ کو خون بہنے کا خطرہ ہوتا ہے۔ آپ کے پلیٹلیٹ لیول یا علامات کی بنیاد پر آپ کو ٹرانسفیوژن دی جائے گی۔
• پلازما خون کا لیکویڈ حصہ ہے۔ یہ پانی، غذائی اجزاء، معدنیات، اور ہارمونز کو آپ کے پورے جسم میں پہنچاتا ہے۔ یہ مختلف فضلہ مواد کو آپ کے گردوں تک پہنچاتا ہے تاکہ انہیں آپ کے جسم سے خارج کیا جا سکے۔ پلازما میں پروٹینز بھی ہوتے ہیں جو آپ کے خون کو جمنے میں مدد دیتے ہیں۔ اگر یہ پروٹینز کم ہوں تو آپ ان کی جگہ تازہ فروزن پلازما یا البومین کا انفیوژن لے سکتے ہیں۔

ٹرانسپلانٹ کے دوران اپنی دیکھ بھال کرنا

نہانا

اپنے جسم کو صاف رکھنا بہت ضروری ہے۔ ہر روز 4% کلورہیکسڈین گلوکونیٹ (CHG) محلول اینٹی سیپٹک جلد صاف کرنے والا، جیسے Hibiclens^®، استعمال کرکے نہائیں۔ 4% CHG محلول ایک جلد صاف کرنے والا ہے جو آپ کے استعمال کے بعد 24 گھنٹے تک جراثیم کو مارتا ہے۔ 4% CHG کے ساتھ نہانے سے آپ کے انفیکشن کے خطرے کو کم کرنے میں مدد ملتی ہے۔ آپ کی دیکھ بھال کرنے والی ٹیم آپ کو بتائے گی اگر کوئی وجہ ہو کہ آپ کو 4% CHG کے ساتھ نہیں نہانا چاہیے۔

آپ کی دیکھ بھال کرنے والی ٹیم آپ کو 4% CHG استعمال کرنے کا طریقہ سکھائے گی۔ آپ کو اسے صرف اپنے جسم کے مخصوص حصوں پر استعمال کرنا چاہیے۔ اسے اپنے چہرے، سر، منہ، جننانگوں، یا گہرے زخموں پر استعمال نہ کریں۔ آپ اپنے باقی جسم کو الکوحل اور خوشبو سے پاک صابن سے دھو سکتے ہیں۔ آپ گھر سے صابن لا سکتے ہیں، یا آپ اسے اپنی دیکھ بھال کرنے والی ٹیم سے حاصل کر سکتے ہیں۔ اگر 4% CHG سے دھونے کے بعد آپ کو کوئی جلد کا رد عمل ہو تو اپنی دیکھ بھال کرنے والی ٹیم کو بتائیں۔

آپ کی دیکھ بھال کرنے والی ٹیم آپ کو یہ دکھائے گی کہ اپنے CVC ڈریسنگ کو خشک رکھنے کے لیے اس پر واٹر پروف ڈریسنگ (جیسے Aquaguard^®) کیسے لگائی جائے۔ اپنے ڈریسنگ پر براہ راست پانی کا اسپرے نہ کریں۔ کسی بھی کیٹھیٹر کو پانی میں ڈوبنے نہ دیں۔ اگر آپ کی ڈریسنگ گیلی ہو جائے یا ڈھیلی ہونے لگے تو اپنی نرس کو بتائیں۔

ہاتھ دھونا

جراثیم اکثر آپ کے ہاتھوں یا ان چیزوں پر ہوتے ہیں جنہیں آپ چھوتے ہیں۔ باتھ روم استعمال کرنے کے بعد اور کھانے سے پہلے اپنے ہاتھوں کو صابن سے اچھی طرح دھو لیں۔

منہ کی دیکھ بھال

منہ کی دیکھ بھال آپ کے روزمرہ معمولات کا ایک اہم حصہ ہے۔ دن میں کم از کم 4 بار اور اگر آپ کے منہ میں زخم ہوں تو اس سے بھی زیادہ بار منہ صاف کرنا ضروری ہے۔ اچھی منہ کی دیکھ بھال آپ کے منہ میں انفیکشن اور دیگر مسائل کو روکنے میں مدد کر سکتی ہے۔

نیچے دی گئی ہدایات پر عمل کریں۔

• صرف وہی ماؤتھ واش استعمال کریں جو آپ کی نرس نے دیا ہے۔ اسٹور سے خریدا گیا ماؤتھ واش استعمال نہ کریں۔ اسٹور سے خریدا گیا ماؤتھ واش آپ کے منہ اور گلے میں جلن اور خشکی پیدا کرتا ہے۔
• آپ کی نرس آپ کو ٹوتھ پیسٹ بھی دے گی۔ اسے صرف اسی صورت میں استعمال کریں جب اس سے آپ کے منہ میں جلن نہ ہو۔
• جب آپ کے پلیٹلیٹس کی تعداد کم ہو تو آپ کا خون آسانی سے بہہ سکتا ہیں۔ جب آپ اپنے دانت صاف کر رہے ہوں تو بہت محتاط رہیں ہمیشہ الٹرا سافٹ ٹوتھ برش استعمال کریں۔
• کچھ لوگ منہ کی دیکھ بھال کے لیے چھوٹے سبز اسپنجز استعمال کرتے ہیں۔ آپ کی ہیلتھ کیئر ٹیم کا کوئی رکن آپ کو یہ فراہم کر سکتا ہے۔
• ڈینٹل فلاس استعمال نہ کریں۔
• اپنے ہونٹ نم رکھنے کے لیے لبریکینٹ جیسے Aquaphor® یا A&D® مرہم لگائیں۔
• اگر آپ کا منہ حساس ہو جائے تو گرم، مصالحے دار، تیزابی یا کھردرے کھانے کھانے سے پرہیز کریں۔ آپ ٹھنڈے یا روم ٹمپریچر والے نرم یا لیکویڈ کھانے کھا سکتے ہیں۔
• اگر آپ کے منہ میں کوئی نرمی، تکلیف یا درد ہو تو اپنی نرس کو بتائیں۔ ایسی صورت میں آپ کا ڈاکٹر درد کے علاج کے لیے دوا تجویز کر سکتا ہے۔
• آپ کا ڈاکٹر آپ کو منہ میں انفیکشن سے بچانے کے لیے ایک زبانی اینٹی فنگل اینٹی بائیوٹک کا نسخہ دے سکتا ہے۔ اس کے ساتھ دی گئی ہدایات پر عمل کریں۔

نیوٹریشن

کیموتھراپی اور ریڈی ایشن تھراپی آپ کے معدے کی پرت کو نقصان پہنچاتی ہیں۔ یہ آپ کے ہسپتال میں قیام کے دوران کھانے اور پینے کو مشکل بنا سکتا ہے۔ آپ کو وزن کم ہونے سے بچانے کے لیے ناسوگیسٹرک (NG) ٹیوب لگوانے یا آپ کے IV کے ذریعے غذائیت حاصل کرنے کی ضرورت پڑ سکتی ہے جسے TPN (ٹوٹل پیرنٹرل نیوٹریشن) کہا جاتا ہے۔

اپنی NG ٹیوب کے بارے میں

ایک NG ٹیوب آپ کی ناک سے ہو کر آپ کے معدے میں جاتی ہے۔ اسے آپ کے بستر کے پاس موجود نرس لگا سکتی ہے۔ آپ کی دیکھ بھال کرنے والی ٹیم آپ کی ٹیوب کو درج ذیل کاموں کے لیے استعمال کر سکتی ہے:

• آپ کو دوائی دینے کے لیے جب آپ نگل نہیں سکتے۔
• آپ کو مائع غذا دینے کے لیے جب آپ منہ سے کافی کھا نہیں سکتے۔
• آپ کے معدے سے گیس یا ہوا کا دباؤ کم کرنے کے لیے۔

آپ کی NG ٹیوب کے ذریعے مائع غذا حاصل کرنا آپ کے معدے اور آنتوں کو فعال رکھنے میں مدد کر سکتا ہے۔ آپ کی دیکھ بھال کرنے والی ٹیم آپ کی NG ٹیوب کو اس وقت نکال دے گی جب آپ کھا، پی اور منہ سے دوائی لے سکیں گے۔ آپ کے کلینیکل ڈائٹیشن نیوٹریشنسٹ آپ کو ٹیوب فیڈنگ کی اقسام اور ان کی ضرورت کی تعداد کے بارے میں مزید معلومات دیں گے۔

اپنے TPN کے بارے میں

TPN مرکب آپ کو آپ کے IV کے ذریعے وہ تمام غذائی اجزاء فراہم کرتا ہے جو آپ کے جسم کو درکار ہیں۔ اگر آپ خود سے کھا یا پی نہیں سکتے اور آپ کی NG ٹیوب نہیں لگ سکتی تو آپ کو TPN کے ذریعے غذائیت ملے گی۔ آپ کی دیکھ بھال کرنے والی ٹیم روزانہ آپ کی غذائیت کی سطحیں چیک کرے گی اور ضرورت کے مطابق آپ کے TPN مرکب میں تبدیلیاں کرے گی۔

یہاں تک کہ اگر آپ کو NG ٹیوب فیڈ یا TPN مل رہا ہو، تو آپ خود سے کھا اور پی سکتے ہیں اگر آپ اچھا محسوس کرتے ہوں۔ اگر آپ اچھا محسوس نہیں کر رہے ہیں تو خود کو کھانے یا پینے پر مجبور نہ کریں۔ آپ کے کلینیکل ڈائٹیشن نیوٹریشنسٹ اور نرس آپ کے ساتھ آپ کی غذا کے بارے میں بات کریں گے۔ وہ آپ کو یہ بھی بتائیں گے کہ آپ کو اپنے علاج کے دوران کون سے کھانے کھانے چاہئیں۔

ورزش اور جسمانی سرگرمی

جسمانی سرگرمی بہت اہم ہے۔ دن میں کم از کم 2 بار بستر سے اٹھیں۔ اپنے پٹھوں کی ساخت اور طاقت کو برقرار رکھنے کے لیے روزانہ اپنے کمرے میں چلنے کی کوشش کریں۔ اپنی کرسی پر جتنی بار اور جتنی دیر تک ممکن ہو بیٹھیں۔

آپ اپنے ساتھ کرنے کے لیے چیزیں لا سکتے ہیں، جیسے لیپ ٹاپ، کتابیں، اور کھیل۔ اگر آپ طالب علم ہیں تو آپ اسکول کا کام جاری رکھنے کے لیے کتابیں اور اسائنمنٹس لا سکتے ہیں۔ ہسپتال کا ٹیچر آپ کے کمرے میں آ کر پڑھائی میں آپ کی مدد کرے گا۔

فزیکل تھراپسٹس (PTs) اور آکیوپیشنل تھراپسٹس (OTs) بھی آپ کی ضروریات کا جائزہ لیں گے۔ وہ آپ کو آپ کے سٹیم سیل ٹرانسپلانٹ کے دوران اپنے پٹھوں کی ساخت اور طاقت کو برقرار رکھنے میں مدد کریں گے۔

ہسپتال میں داخل ہونے اور ٹرانسپلانٹ کے دن کے درمیان آپ کیا توقعات رکھ سکتے ہیں

معاونتی دیکھ بھال

سپورٹیو کیئر میڈیسن کا استعمال کسی بیماری کی علامات یا علاج کے مضر اثرات کو جلد از جلد روکنے یا علاج کرنے کے لیے کیا جاتا ہے۔ آپ کو اپنے ٹرانسپلانٹ کے دوران کئی سپورٹیو کیئر دوائیں دی جائیں گی۔ ان میں شامل ہیں:

• اونڈانسیٹرون: یہ متلی (یہ محسوس ہونا کہ آپ الٹی کرنے والے ہیں) اور الٹی کو کم کرنے میں مدد کرتا ہے۔
• یورسوڈیول: یہ آپ کے جگر کو کیموتھراپی کے مضر اثرات سے بچاتا ہے۔
• اینٹی بائیوٹکس اور اینٹی وائرلز یہ انفیکشن کو روکنے یا علاج کرنے میں مدد کرتے ہیں۔
• درد کی دوائی: یہ آپ کے علاج کے مضر اثرات کے حصے کے طور پر ہونے والے کسی بھی درد یا تکلیف میں مدد کرے گی۔ درد کی دوائی میں نارکوٹکس، جیسے اوپیئڈز، شامل ہو سکتے ہیں۔ آپ کو ایک پی سی اے (PCA) پمپ بھی دیا جا سکتا ہے۔ پی سی اے (PCA) پمپ آپ کو اپنے درد کو کنٹرول کرنے میں مدد دیتا ہے، جس سے آپ اپنے لیے تجویز کردہ خوراک میں درد کی دوائی دے سکتے ہیں۔

اس کے علاوہ آپ کو ریڈ بلڈ سیلز، پلیٹلیٹ اور پلازما ٹرانسفیوینز خون کی کمی دور کرنے اور خون کو بہنے سے روکنے کے لیے دی جائیں گی۔

سائٹوریڈکٹیو تھراپی

سائٹوریڈکٹیو تھراپی صرف کیموتھراپی یا کیموتھراپی اور ریڈی ایشن کا امتزاج ہوتی ہے۔ سائٹوریڈکٹیو تھراپی آپ کے جسم میں کسی بھی کینسر کے سیلز کو تباہ کرنے اور آپ کے مدافعتی نظام کو ختم کرنے میں مدد کرے گی تاکہ یہ خون کے نئے سٹیم سیلز کو مسترد نہ کرے۔

آپ کو کئی دنوں تک کیموتھراپی دی جائے گی۔ آپ کی ٹیم آپ کے ساتھ مل کر آپ کے علاج کے پلان کا جائزہ لے گی۔ آپ اس گائیڈ کے شروع میں اپنے روڈ میپ کی ایک کاپی بھی دیکھ سکتے ہیں۔ آپ کے معالجے کے لحاظ سے بلڈ سٹیم سیل ٹرانسپلانٹ کروانے سے پہلے اور سائٹوریڈکٹیو تھراپی کے بعد آپ کو 1 سے 2 دن کا آرام دیا جائے گا۔

اگر آپ کو سائٹو ری ڈکٹو تھراپی کے حصے کے طور پر ریڈی ایشن تھراپی دی جا رہی ہے، تو آپ کو ٹوٹل باڈی اِریڈی ایشن (TBI) کے بارے میں تحریری معلومات فراہم کی جائیں گی۔ آپ کو اس ہفتے ہر سیشن کے وقت کے ساتھ ایک شیڈول بھی ملے گا۔ آپ کو یہ علاج دن میں 2 سے 3 بار دیے جائیں گے۔ ہر سیشن 20 سے 40 منٹ کا ہوتا ہے۔ ایک پیشنٹ ایسکورٹ آپ کو ہر سیشن کے لیے لانے اور واپس چھوڑنے کا کام کرے گا۔

سٹیم سیل ٹرانسپلانٹس کی اقسام

آپ کے ٹرانسپلانٹ کی قسم کا انحصار بنیادی بیماری یا تشخیص اور درج ذیل پر ہے:

• ڈونرکی قسم۔
• آپ اور آپ کے دونر کے درمیان HLA (ٹشو ٹائپنگ) میچ کی سطح۔
• عطیہ کا ذریعہ (گودا، پیرفرل بلڈ، یا کورڈ بلڈ)۔
• آپ کو ملنے سے پہلے لیبارٹری میں اسٹیم سیلز کو کیسے پروسیس کیا جاتا ہے۔

ذیل میں آپ ان چیزوں کی تفصیل پڑھ سکتے ہیں۔ آپ کا ڈاکٹر آپ سے ٹرانسپلانٹ کی اس قسم کے بارے میں بات کرے گا جو آپ کے لیے شیڈول کی گئی ہے۔

ڈونر کی قسم

• خودکار دونر: یہ اس وقت ہوتا ہے جب آپ کے اپنے اسٹیم سیلز دونر روم میں جمع کیے جاتے ہیں اور منجمد کر دیے جاتے ہیں۔ انہیں لیبارٹری میں یا آپ کی بیڈ سائیڈ پر پگھلایا جا سکتا ہے۔ اٹینڈنگ فزیشن آپ کے CVC میں سٹیم سیلز داخل کرے گا۔
• الوجینک ڈونر: یہ اس وقت ہوتا ہے جب اسٹیم سیلز آپ کے علاوہ کسی اور شخص کی طرف سے عطیہ کیے جاتے ہیں۔ ایلوجینک ڈونر خاندان کا فرد یا رضاکارانہ طور پر ڈونیٹ کرنے والا کوئی فرد ہو سکتا ہے جس سے آپ کی کوئی رشتہ داری نہ ہو۔

ٹشو ٹائپنگ

اگر آپ ایلوجینک سٹیم سیل ٹرانسپلانٹ کروا رہے ہیں تو آپ کا عطیہ دہندہ ان میں سے ایک ہو سکتا ہے:

• HLA مشابہ (ایک جیسا)
• HLA غیر مشابہ (مختلف)

سٹیم سیلز کا ذریعہ

خون کے سٹیم سیلز ان ذرائع سے حاصل کیے جا سکتے ہیں:

• ہڈی کا گودا : گودا ڈونرکے ہِپ کی ہڈیوں سے آپریشن روم میں ایک طریقہ کار کے دوران لیا جاتا ہے۔ ڈونرکو طریقہ کار سے پہلے جنرل اینستھیزیا (نیند لانے والی دوا) دی جائے گی۔
• پیرفرل بلڈ: خون کے اسٹیم سیلز دونر کی رگوں سے لیے جاتے ہیں۔ عطیہ دہندہ پروسیجر سے پہلے 4 سے 5 دن تک G-CSF (Neupogen®) لے گا۔ اس کے بعد وہ ہوش میں خون کے عطیہ دہندہ کے کمرے میں سٹیم سیلز عطیہ کرے گا۔
• کورڈ بلڈ: خون کے اسٹیم سیلز ناف کی رگوں کے خون سے لیے جاتے ہیں، جو کسی ماں کی طرف سے اپنے بچے کی پیدائش کے بعد عطیہ کیے جاتے ہیں۔ کورڈ بلڈ سیلز کو فریز کیا جاتے ہیں اور ضرورت پڑنے پر پگھلائے جاتے ہیں۔ کورڈ بلڈ خاندان کے کسی فرد سے لیا جا سکتا ہے لیکن عام طور پر یہ پبلک کورڈ بلڈ بینک سے آتا ہے۔

پروسیسنگ کی اقسام

• کوئی نہیں/کم سے کم: سرخ خلیات یا پلازما دونر کے گودے یا پیرفرل بلڈ سے ہٹائے جا سکتے ہیں، لیکن کوئی اور تبدیلیاں نہیں کی جاتیں۔ اسے ان موڈیفائڈ یا T ریپلیٹ میرو یا پیریفیرل بلڈ کہا جاتا ہے۔
• ٹی سیل ریڈیوسڈ: دونر کے گودے یا پیرفرل بلڈ کو لیبارٹری میں ٹی سیلز کی تعداد کم کرنے کے لیے پروسیس کیا جاتا ہے۔ اس سے گرافٹ ورسس ہوسٹ ڈیزیز (GVHD) ہونے کے امکان کو کم کرنے میں مدد ملتی ہے۔ اس قسم کے سٹیم سیل ٹرانسپلانٹ کو “T سیل ڈیپلیٹڈ” کہا جاتا تھا۔

ٹرانسپلانٹ والے دن آپ کی کیا توقعات ہونی چاہئیں

سائٹوریڈکٹیو ٹریٹمنٹ مکمل کرنے کے ایک سے 3 دن بعد آپ کو عطیہ دہندہ کے سٹیم سیلز مل جائیں گے۔ اسٹیم سیلز آپ کو آپ کے CVC کے ذریعے سرنج یا بیگ سے دیے جائیں گے، خون کی منتقلی کی طرح۔ انفیوژن کے دوران اور بعد میں نرس آپ کا درجہ حرارت، بلڈ پریشر، نبض اور آکسیجن لیول چیک کرے گی۔ آپ کو ٹرانسپلانٹ سے پہلے ڈیفن ہائیڈرامین (بیناڈرائل^®) اور ایسیٹامائنوفن (ٹائلینول^®) بھی دی جائیں گی۔ یہ آپ کے انفیوژن کے دوران ہونے والے مضر اثرات کو کم کرنے میں مدد کے لیے ہے۔

اگرچہ ضمنی اثرات بہت کم ہوتے ہیں پھر بھی آپ کے بون میرو یا پیریفیرل سٹیم سیل انفیوژن کے دوران نرس کسی بھی قسم کے ضمنی اثرات پر گہری نظر رکھے گی۔ اگر آپ کورڈ بلڈ ٹرانسپلانٹ کروا رہے ہیں تو آپ کو ہائی بلڈ پریشر ہو سکتا ہے۔

کچھ دیگر مضر اثرات جو آپ کو محسوس ہو سکتے ہیں ان میں شامل ہیں:

• متلی
• الٹی
• گلے میں خراش
• کھانسی

دیگر کم عام مضر اثرات میں شامل ہیں:

• بخار
• کپکپی
• کم بلڈ پریشر

اگر آپ کو ان میں سے کوئی بھی مضر اثرات محسوس ہوں تو اپنی دیکھ بھال کرنے والی ٹیم اور دیکھ بھال کرنے والے کو بتائیں۔ وہ آپ کو انہیں سنبھالنے میں مدد کریں گے۔

آپ کو جو ٹرانسپلانٹ ملتا ہے اس کی قسم کے لحاظ سے، آپ کو ٹرانسپلانٹ کے دوران اور بعد میں منہ میں لہسن جیسا شدید ذائقہ محسوس ہو سکتا ہے۔ آپ کے پیشاب، پسینے اور جلد میں بھی لہسن جیسی بو ہو سکتی ہے۔ ہو سکتا ہے کہ آپ کو یہ بو محسوس نہ ہو، لیکن آپ کے اردگرد کے لوگوں کو ہو سکتی ہے۔ یہ بو اس پرزرویٹو کی وجہ سے ہوتی ہے جو آپ کے اسٹیم سیلز کو ذخیرہ کرنے کے لیے استعمال ہوتا ہے۔ یہ 1 سے 2 دنوں میں بتدریج ختم ہو جائے گی۔ ذائقے سے نمٹنے کے لیے آپ گم، ہارڈ کینڈیز یا مشروبات استعمال کر سکتے ہیں۔

ایک بار انفیوز ہونے کے بعد، خون کے اسٹیم سیلز آپ کے خون کے بہاؤ کے ذریعے آپ کے ہڈی کے گودے کی جگہ تک پہنچیں گے۔ وہاں وہ بڑھیں گے اور آپ کے جسم میں صحت مند بلڈ سیلز بنائیں گے۔ آپ اسپتال میں اس وقت تک رہیں گے جب تک آپ کے نئے اسٹیم سیلز کافی سفید خلیات، سرخ خلیات اور پلیٹلیٹس نہیں بنا لیتے۔ یہ عام طور پر آپ کے اسٹیم سیل ٹرانسپلانٹ کے دن سے تقریباً 4 سے 6 ہفتوں تک لیتا ہے۔

آپ کے ٹرانسپلانٹ کے بعد کیا توقع رکھیں

اینگرافٹمنٹ

سٹیم سیلز کی اینگرافٹمنٹ اس وقت ہوتی ہے جب عطیہ کردہ سیلز آپ کے میرو میں جاتے ہیں اور نئے صحت مند عطیہ دہندہ بلڈ سیلز بناتے ہیں۔

آپ کے سٹیم سیل ٹرانسپلانٹ کی قسم اور آپ کی بیماری کے لحاظ سے اینگرافٹمنٹ میں سٹیم سیل ٹرانسپلانٹ کے بعد 2 سے 4 ہفتے لگ سکتے ہیں۔ آپ کے وائٹ بلڈ سیلز کی تعداد میں بتدریج اضافہ اینگرافٹمنٹ کی پہلی علامت ہے۔ جب آپ کا ANC (ایبسولوٹ نیوٹروفل کاؤنٹ) لگاتار 3 دن تک 0.5 یا اس سے زائد ہو تو ہم آپ کو اینگرافٹڈ تصور کرتے ہیں۔ پلیٹلیٹس عموما بلڈ سیلز کی سب سے آخر میں ریکور ہونے والی قسم ہے۔ انفیکشن، ادویات، عطیہ کردہ اسٹیم سیلز کی کم تعداد، یا گرافٹ ناکامی کی وجہ سے انگریفمنٹ میں تاخیر ہو سکتی ہے۔

عموما سٹیم سیل ٹرانسپلانٹ کے بعد نیا بون میرو پہلے مہینے میں سیلز بنانا شروع کر دیتا ہے لیکن آپ کے پورے مدافعتی نظام کو مکمل طور پر ٹھیک ہونے میں کئی مہینے لگ سکتے ہیں۔ آپ کی دیکھ بھال کرنے والی ٹیم آپ کے خون کا معائنہ کرے گی تاکہ یہ دیکھ سکے کہ آپ کا مدافعتی نظام کیسے بحال ہو رہا ہے۔

گرافٹ ریجیکشن اور گرافٹ کی ناکامی

بعض اوقات ٹرانسپلانٹ کیے گئے سیلز ہماری امید کے مطابق اینگرافٹمنٹ نہیں کرتے۔ گرافٹ ریجیکشن کا مطلب ہے کہ آپ کا مدافعتی نظام نئے سٹیم سیلز کو مسترد کرتا ہے۔ اسٹیم سیل ٹرانسپلانٹ سے پہلے جو سائٹو ری ڈکٹو علاج آپ کو دیے جاتے ہیں، ان کا مقصد گرافٹ ریجیکشن کو روکنے میں مدد کرنا ہے۔

اگر آپ کی کیئر ٹیم کو گرافٹ مسترد یا ناکام ہونے کی کوئی علامت نظر آئے تو وہ آپ کے بلڈ اور بون میرو کے خصوصی ٹیسٹ کرے گی۔ ٹیسٹ کے نتائج آپ کے علاج کا تعین کریں گے۔ ڈاکٹر آپ سے آپ کے ٹریٹمنٹ کے آپشنز کے بارے میں بات کرے گا۔

آپ کے ٹرانسپلانٹ کے بعد ممکنہ مسائ

کچھ مسائل اس وقت پیدا ہو سکتے ہیں جب آپ اپنے خون کے شمار کو معمول پر واپس آنے کا انتظار کر رہے ہوں۔ مثالوں میں انفیکشن، منہ کے زخم، اسہال (آنتوں کی ڈھیلی یا پانی والی موومنٹس)، خون بہنا اور خون کی کمی شامل ہیں۔ آپ کی کیئر ٹیم آپ کےاعضاء (دل، پھیپھڑے، گردے اور جگر) کی زہر آلودگی کی علامات اور GVHD پر بھی نظر رکھے گی۔ عام طور پر ایسے اقدامات ہوتے ہیں جو آپ اور آپ کی دیکھ بھال کرنے والی ٹیم ان مسائل کو روکنے، سنبھالنے اور علاج کرنے کے لیے اٹھا سکتے ہیں۔

مزید معلومات کے لیے اپنے ڈاکٹر کے ساتھ دستخط کردہ رضامندی فارم کا جائزہ لیں۔

میوکوسائٹس اور اسہال

میوکوسائٹس سے مراد ہے آپ کے منہ میں، گالوں اور ہونٹوں کے اندر اور نظام ہضم میں سوزش۔ کیموتھراپی کی کچھ ادویات اور ریڈی ایشن تھراپی اس سوزش کا سبب بن سکتی ہے۔ سوزش دردناک زخموں، نگلنے میں دشواری اور اسہال کا سبب بن سکتی ہے۔

میوکوسائٹس اور اسہال عام طور پر ٹریٹمنٹ شروع ہونے کے 3 سے 10 دن بعد شروع ہوتے ہیں۔ یہ عام طور پر ٹرانسپلانٹ کے 2 سے 4 ہفتے بعد اینگرافٹمنٹ ہونے کے بعد ٹھیک ہو جاتے ہیں۔ آپ کی دیکھ بھال کرنے والی ٹیم آپ کو ضرورت کے مطابق درد کی دوا دے گی تاکہ آپ آرام دہ رہیں۔

انفیکشن

آپ کو اپنے سٹیم سیل ٹرانسپلانٹ کے بعد کئی مہینوں تک بیکٹیریل، فنگل اور وائرل انفیکشن کا خطرہ رہے گا۔ اس کی وجہ یہ ہے کہ آپ کا مدافعتی نظام مکمل طور پر کام نہیں کر رہا ہوتا۔ یہ انفیکشنز آپ کی بہتری کے لیے ایک بڑا خطرہ ہیں، خاص طور پر صحت یابی کے ابتدائی دور میں اور جب تک کہ آپ کا نیا میرو بڑھتا اور انفیکشن سے لڑنے کے لیے وائٹ بلڈ سیلز نہیں بناتا۔ سب سے پہلے نیوٹروفلس ریکور ہوتے ہیں اور بیکٹیریل انفیکشن سے لڑتے ہیں لیکن T لیمفوسائٹس(T سیلز) جو وائرل اور کچھ فنگل انفیکشن سے لڑتے ہیں انھیں ریکور ہونے میں کئی مہینے لگ سکتے ہیں۔

بخار انفیکشن کی ایک اہم علامت ہے۔ اگر آپ کو بخار ہوتا ہے تو بخار کی وجہ معلوم کرنے کے لیے ٹیسٹس (جیسے بلڈ کلچرز) کیے جائیں گے۔ جسم کو انفیکشن سے لڑنے میں مدد کے لیے آپ کو اینٹی بائیوٹکس دی جائیں گی۔

ٹرانسپلانٹیشن کے بعد پہلے 2 ہفتوں کے دوران تقریباً ہر کسی کو بخار ہوتا ہے۔ آپ کی ٹیم ان اینٹی بایوٹک کو تبدیل کر سکتی ہے جو آپ بخار کا باعث بننے والے انفیکشن سے لڑنے کے لیے لے رہے ہیں۔ اینٹی بائیوٹکس سے زیادہ تر انفیکشن کا کامیاب علاج کیا جاتا ہے۔ اگر آپ کی دیکھ بھال کرنے والی ٹیم کو لگتا ہے کہ آپ کو سینٹرل لائن انفیکشن ہے، تو ایک ڈاکٹر آپ کی لائن نکال سکتا ہے اور آپ کی دوا دینے کے لیے پیرفرل IVs لگا سکتا ہے۔ کبھی کبھی ہم آپ کے اسپتال کے کمرے میں رہتے ہوئے آپ کی سینٹرل لائن نکال سکتے ہیں۔

آپ کو بخار ہونے پر جو دیگر ٹیسٹ کیے جا سکتے ہیں ان میں شامل ہیں:

• مخصوص انفیکشنز کی جانچ کے لیے خون کے ٹیسٹ۔
• X-رے.
• اندرونی اعضاء میں انفیکشن کی جانچ کے لیے کمپیوٹڈ ٹوموگرافی (CT) اسکینز یا پوزیٹرون ایمیژن ٹوموگرافی (PET) اسکین۔

آپ کو انفیکشن کے علاج اور روک تھام کے لیے دوا دی جائے گی۔ آپ کو اینٹی وائرل دوا بھی دی جائے گی تاکہ ماضی میں ہونے والے کسی بھی وائرل انفیکشن کو اسٹیم سیل ٹرانسپلانٹ کے بعد دوبارہ آنے سے روکا جا سکے۔ ان انفیکشنز میں شامل ہو سکتے ہیں:

• کولڈ سورز
• شنگلز
• Pneumocystis jirovecii pneumonia (PCP)
• Cytomegalovirus (CMV)
• پھیپھڑوں یا آنت کو متاثر کرنے والے دیگر انفیکشنز

جن لوگوں کا مدافعتی نظام ٹھیک طرح کام نہ کر رہا ہو وہ ایسے انفیکشنز کا شکار ہو سکتے ہیں جو عموما صحت مند لوگوں کو نہیں ہوتے۔ ان انفیکشنز کو موقع پرست انفیکشنز کہا جاتا ہے۔ آپ کو موقع پرست انفیکشن سے بچانے کے لیے ادویات کی ضرورت پڑ سکتی ہے۔ آپ کو اس وقت تک موقع پرست انفیکشنز کا خطرہ ہوتا ہے جب تک آپ کا وائٹ بلڈ سیل کاؤنٹ اور مدافعتی نظام معمول پر نہ آ جائے۔

جریان خون

پلیٹلیٹس بے رنگ سیلز ہیں جو آپ کے خون کا حصہ ہیں۔ یہ آپ کے بون میرو میں بنتے ہیں۔ پلیٹلیٹس کا بنیادی کام خون کو بہنے سے روکنا ہے۔

جب آپ کا پلیٹلیٹ کاؤنٹ آپ کے ڈاکٹر کے مقرر کردہ خاص لیول سے کم ہو جائے تو خون کو بہنے سے روکنے کے لیے آپ کو پلیٹلیٹ ٹرانسفیوژن دیا جائے گا۔ اگر آپ کا خون بہہ رہا ہے تو آپ کو خون جمنے کے لیے درکار پروٹینز کی جگہ مزید پلیٹلیٹس یا تازہ فروزن پلازما (FFP) دیا جائے گا۔

خون بہنے سے بچنے کے لیے:

• تیز اشیاء (جیسے کہ استرا، قینچی، اور ناخن تراش) کا استعمال نہ کریں۔
• نرم ٹوتھ برش استعمال کریں اور فلاسنگ سے پرہیز کریں۔
• اگر ضرورت ہو تو اپنی ناک آہستہ سے صاف کریں۔
• گرنے سے بچیں۔

خون کی کمی

جب آپ کا ریڈ بلڈ سیل کاؤنٹ کم ہو تو آپ کو کمزوری اور تھکاوٹ (معمول سے زیادہ تھکاوٹ محسوس کرنا) ہو سکتی ہے۔ آپ کا ہیموگلوبن (ریڈ بلڈ سیل کاؤنٹ کا ایک پیمانہ) ہر روز چیک کیا جائے گا۔ اگر آپ کا ہیموگلوبن کم ہے تو آپ کو ریڈ بلڈ سیل ٹرانسفیوژن دیا جائے گا۔

عضو کے مسائل

آپ کے گردے، مثانے، جگر، پھیپھڑوں، دل یا سنٹرل نروس سسٹم کو نقصان پہنچ سکتا ہے۔ آپ کا باقاعدگی سے معائنہ کیا جائے گا اور اعضاء کو پہنچنے والا نقصان چیک کرنے کے لیے روزانہ لیبارٹری ٹیسٹ کروائے جائیں گے۔ اس نقصان کو کم کرنے کے لیے آپ کے معالجے کو ضرورت کے مطابق ایڈجسٹ کیا جائے گا۔ ایڈجسٹمنٹ کی مثالیں جن میں شامل ہیں: آپ جو دوا لے رہے ہیں اسے تبدیل کرنا یا آپ جو دوا لے رہے ہیں اس کی خوراک کم کرنا۔

گردے

آپ کے گردے آپ کے خون کو فلٹر کرتے ہیں اور آپ کے جسم سے ویسٹ پروڈکٹس باہر نکالنے کے لیے پیشاب بناتے ہیں۔ کیموتھراپی اور دیگر ادویات گردوں کے کام کرنے کی صلاحیت پر اثر انداز ہو سکتی ہیں۔

آپ کی میڈیکل ٹیم روزانہ بلڈ ٹیسٹس (BUN اور creatinine) چیک کر کے اور یہ دیکھ کر کہ آپ کے گردے جسم کے زہریلے مادوں کے اخراج کے لیے کتنی اچھی طرح پیشاب پیدا کر رہے ہیں معلوم کرے گی کہ آپ کے گردے کتنی اچھی طرح کام کر رہے ہیں۔ اس لیے یہ ضروری ہے کہ آپ کی نرس جانتی ہو اور اس کا ریکارڈ رکھے کہ آپ کتنا لیکویڈ پیتے ہیں اور کتنا پیشاب کرتے ہیں۔ یہی وجہ ہے کہ دن میں کم از کم ایک بار آپ کا وزن کرنا ضروری ہے۔ اگر آپ کا وزن بڑھ جائے، تو آپ کو ایک ایسی دوا کی ضرورت پڑ سکتی ہے جو آپ کے گردوں کو جسم سے فاضل مادوں اور زہریلے مادوں کو خارج کرنے میں مدد دے۔

اضافی ٹیسٹ جو یہ جانچنے کے لیے کیے جا سکتے ہیں کہ آپ کے گردے کتنی اچھی طرح کام کر رہے ہیں:

• گھنٹے کے پیشاب کا جمع کرنا کریٹینین کلیئرنس ٹیسٹ کے لیے۔
• گلومیرولر فلٹریشن ریٹ (GFR) ریڈیالوجی ڈیپارٹمنٹ میں کیا گیا۔

آپ کے گردوں کو پہنچنے والا نقصان ہائپر ٹینشن (ہائی بلڈ پریشر) کا باعث بن سکتا ہے جس کا علاج کروانا ضروری ہے۔ آپ کی دیکھ بھال کرنے والی ٹیم آپ کے ضروری علامات (وائٹل سائنز) کے ریکارڈز کو دیکھ کر یہ فیصلہ کرے گی کہ آیا آپ کو علاج کی ضرورت ہے۔ آپ کے ضروری علامات (وائٹل سائنز) ہر 4 گھنٹے بعد یا آپ کی ضروریات کے مطابق زیادہ بار چیک کیے جائیں گے۔

مثانہ (ہیموریجک سیسٹائٹس)

کچھ ادویات، جیسے سائیکلوفاسفامائیڈ (Cytoxan^®)، اور کچھ وائرس، جیسے BK وائرس، آپ کے مثانے کی اندرونی پرت کو متاثر یا پرجوش کر سکتے ہیں۔ یہ پیشاب میں خون آنے اور پیشاب کرنے میں درد کا باعث بن سکتا ہے۔ اسے ہیموریجک سیسٹائٹس کہتے ہیں۔

اس پیچیدگی کو روکنے یا اس کا علاج کرنے کے لیے آپ کو بڑی مقدار میں IV فلوئڈز دیئے جائیں گے۔ اس سے آپ کو بہت زیادہ پیشاب آئے گا۔ BK وائرس کے علاج میں درد کی دوا اور اینٹی بائیوٹکس شامل ہو سکتے ہیں۔ بعض اوقات، پیشاب کی نالی (فولےیا سیدھی) کیٹھیٹر آپ کے مثانے میں رکھی جا سکتی ہے تاکہ آپ کو پیشاب کرنے میں آسانی ہو۔

جگر

آپ کے جگر میں خون سے نقصان دہ مادوں کو خارج کرنے، غذائی اجزاء کو جذب کرنے، اور خون کے جمنے میں مدد دینے والے اہم پروٹین بنانے کی صلاحیت ہوتی ہے۔ یہ چکنائی والی غذاؤں کو ہضم کرنے میں مدد کے لیے بائل بھی بناتا ہے۔ آپ کے جگر کو نقصان بہت سے مسائل کا سبب بن سکتا ہے۔

ٹرانسپلانٹ کے بعد ہم خاص طور پر فکر مند ہوتے ہیں کہ آپ کے جگر میں خون کی چھوٹی نالیاں زخمی نہ ہو جائیں۔ خون کی نالیاں بند ہو سکتی ہیں جس سے خون کا صحیح طریقے سے بہاؤ مشکل ہو جاتا ہے۔ اس قسم کی چوٹ کو وینو-اوکلوسیو ڈیزیز(VOD) یا سائنوسائیڈل اوبسٹرکٹیو سنڈروم (SOS) کہا جاتا ہے۔

VOD/SOS سے آپ کا جگر بڑا ہو سکتا ہے اور جگر کے سیلز کو نقصان پہنچ سکتا ہے۔ آپ کے جگر کی سوجن پسلیوں کے نیچے اور پیٹ (پیٹ) کی دائیں طرف اوپر والے حصے میں درد کا باعث بھی بن سکتی ہے۔ کیونکہ سیال آپ کے جگر سے گزر نہیں سکتا، اس لیے سیال آپ کے پیٹ میں جمع ہو سکتا ہے۔ اسے “ایسائٹس” کہا جاتا ہے۔ VOD/SOS معتدل یا شدید ہو سکتا ہے اس کا انحصار فلوئڈ کی مقدار پر ہے جسے آپ کا جگر سنبھال نہیں سکتا۔

یہ چیک کرنے کے لیے کہ آپ کا جگر کیسا کام کر رہا ہے آپ کروا سکتے ہیں:

• خون کے لیب ٹیسٹ (بلیروبن، AST، ALT، اور خون جمنے والے پروٹین)۔
• الٹراساؤنڈ اسکین یہ دیکھنے کے لیے کہ آپ کے جگر کا سائز کتنا ہے، آپ کے پیٹ میں کتنا سیال (ایسائٹس) جمع ہے، اور آپ کے جگر میں خون کتنی آسانی سے بہہ سکتا ہے۔

اگر آپ کو VOD/SOS ہو جائے، تو آپ کا علاج میتھائلپریڈنوسولون، ڈیفائبروٹائیڈ، یا دونوں ادویات سے کیا جا سکتا ہے۔ آپ کا ڈاکٹر آپ سے علاج کے آپشنز کے بارے میں بات کرے گا۔

پھیپھڑے

آپ کے پھیپھڑے آپ کی سانس کنٹرول کرتے ہیں۔ اگر آپ کے پھیپھڑوں میں کوئی مسئلہ ہے تو آپ تیز سانس لے سکتے ہیں یا آپ کا آکسیجن لیول کم ہو سکتا ہے۔ سٹیم سیل ٹرانسپلانٹ کے بعد پھیپھڑوں کے جو مسائل ہو سکتے ہیں ان میں شامل ہیں:

• کیموتھراپی یا ریڈی ایشن سے آپ کے پھیپھڑوں کو پہنچنے والا نقصان جو سوزش اور زخم کا سبب بنتا ہے (انٹرسٹیشل نیومونائٹس)۔ اگر ایسا ہو تو یہ عام طور پر ٹرانسپلانٹ کے بعد ظاہر ہوتا ہے۔
• آپ کے پھیپھڑوں میں انفیکشن کی وجہ سے نمونیا۔

پھیپھڑوں کے انفیکشن عام طور پر سٹیم سیل ٹرانسپلانٹ کے بعد پہلے چند ہفتوں میں ہوتے ہیں۔ آپ کی دیکھ بھال کرنے والی ٹیم نمونیا کی کسی بھی علامت پر قریب سے نظر رکھے گی۔ اگر آپ کو سانس لینے میں کوئی تبدیلی محسوس ہو یا آپ کو کھانسی ہو تو انہیں بتائیں۔ نمونیا کا ٹریٹمنٹ اس بات پر منحصر ہے کہ کون سا بیکٹیریا، وائرس یا فنگس نمونیا کا سبب ہے۔

پھیپھڑوں کا انفیکشن تلاش کرنے کے لیے آپ درج ذیل کر سکتے ہیں:

• سینے کا ایکسرے
• CT اسکین
• برونکوسکوپی (آپ کے پھیپھڑوں سے فلوئڈ لینے کا پروسیجر تاکہ اسے انفیکشن کے لیے ٹیسٹ کیا جا سکے)۔

نمونیا کی روک تھام اور علاج کے لیے آپ کا پھیپھڑوں کی ورزش کرنا ضروری ہے۔ آپ کی نرس آپ کو ایک انسنٹیو سپائرمیٹر (ایک آلہ جس میں آپ سانس لیتے ہیں جو آپ کے پھیپھڑوں کو پھیلانے میں مدد دیتا ہے) استعمال کرنے کا طریقہ سکھائے گی۔ باقاعدہ، گہرے سانس لینے کی مشقیں بھی مددگار ثابت ہو سکتی ہیں۔

دل

آپ کا دل آپ کے پورے جسم میں خون پمپ کرتا ہے۔ کچھ کیموتھراپی ادویات کے مضر اثرات ہو سکتے ہیں جو آپ کے دل کو نقصان پہنچا سکتے ہیں۔ آپ کے ہسپتال میں قیام کے دوران آپ کے ڈاکٹرز آپ کے دل کی کارکردگی کو بغور چیک کریں گے۔

آپ کے دل کی کارکردگی درج ذیل کے ذریعے چیک کی جا سکتی ہے:

• لیبارٹری ٹیسٹ
• الیکٹروکارڈیوگرام (EKG)
• ایکو کارڈیوگرام (ECHO)

گرافٹ بمقابلہ میزبان بیماری (GVHD)

T سیلز وائٹ بلڈ سیلز ہیں جو وائرس اور فنگس جسے فارن مٹیریلز پر حملہ کرتے ہیں۔ T سیلز فارن گرافٹس (ٹشو ٹرانسپلانٹس) جیسے میرو، گردے، پھیپھڑے یا ہارٹ ٹرانسپلانٹس پر بھی حملہ کرتے ہیں۔ اسے گرافٹ ریجیکشن کہتے ہیں۔ ڈونر ٹشو کے T سیلز بھی فارن مٹیریلز پر حملہ کرتے ہیں۔ ڈونر T سیلز (گرافٹ) مریض (میزبان) کو فارن تصور کرتے اور مریض کے ٹشوز پر حملہ کرتے ہیں۔ اسے گرافٹ بمقابلہ میزبان بیماری کہا جاتا ہے۔

GVHD اس وقت ہو سکتی ہے جب نئے سٹیم سیلز اینگرافٹ (بڑھنا) شروع کرتے ہیں۔ ان لوگوں میں GVHD کا خطرہ بالکل ختم تو نہیں ہوا لیکن بہت کم ہوتا ہے جو قریب ترین HLA میچڈ گرافٹ یا ایسا سٹیم سیل ٹرانسپلانٹ حاصل کرتے ہیں جس میں T سیل گھٹائے(کم) کیے گئے ہوں۔

کوئی بھی مریض جس کا عطیہ دہندہ بالکل اس جیسا جڑواں بہن بھائی نہیں ہے اسے GVHD کے لیے کسی نہ کسی قسم کی حفاظت فراہم کی جاتی ہے۔ اس سے بچاؤ کے لیے یا تو ٹرانسپلانٹ سے ٹی خلیات کو ہٹا دیا جاتا ہے یا پھر ادویات لی جاتی ہیں (جیسے مائیکوفینولیٹ موفیٹیل (MMF)، ٹیکرولیمس، یا سائیکلوسپورین)۔ ہسپتال میں داخل ہونے سے پہلے آپ کا ڈاکٹر آپ سے ان آپشنز کے بارے میں بات کرے گا۔

GVHD کی دو اقسام ہیں:

• حاد (جلدی، عام طور پر ٹرانسپلانٹ کے 3 ماہ کے اندر)۔
• دیرینہ (دیر سے اور طویل مدتی اثرات والا)۔ دائمی GVHD عام طور پر ابتدائی 100 دنوں کے بعد اور ٹرانسپلانٹ کے پہلے سال کے دوران ہوتا ہے۔

شدید GVHD کی عام علامات میں شامل ہیں:

• جلد پر خارش جو اکثر آپ کے ہاتھوں کی ہتھیلیوں یا پیروں کے تلوؤں سے شروع ہوتی ہے۔
• اسہال
• یرقان (جلد کا پیلا رنگ)
• جگر کی کارکردگی کے خلاف معمول ٹیسٹس

دیرینہ GVHD کی عام علامات میں شامل ہیں:

• جلد پر خارش یا خشک/موٹی جلد
• توانائی میں کمی
• بھوک اور وزن میں کمی
• اسہال
• خشک منہ اور منہ کے زخم
• خشک آنکھیں
• بال گرنا
• جگر کی سوزش

GVHD ہلکا یا شدید ہو سکتا ہے۔ آپ کی میڈیکل ٹیم ان علامات میں سے کسی کے لیے آپ کی مسلسل نگرانی کرے گی اور تشخیص اور علاج کے آپشنز کے لیے ٹیسٹ تجویز کرے گی۔

GVHD کی تشخیص کے لیے کیے جانے والے ٹیسٹ:

• لیبارٹری ٹیسٹ
• سکن بائی آپسی
• آپ کی آنتوں کی پرت کی بائی آپسی (ٹشو کے نمونے) لینے کے لیے کلونوسکوپی یا اینڈوسکوپی