וועגן אייער צענטראלע ווענוס קאטעטער (Central Venous Catheter, CVC) פאר קינדער פאציענטן

די אינפארמאציע ערקלערט די אפעראציע פאר’ן אריינלייגן אייער CVC אריינגערעכנט וויאזוי זיך צו גרייטן און וואס צו ערווארטן. עס ערקלערט אויך וויאזוי קעיר צו נעמען פון אייער CVC. אין דעם ריסארס, וועלן די ווערטער “איר” און “אייערע” זיך ווענדן צו אייך אדער אייער קינד.

וועגן CVCs

א CVC איז א קאטעטער (לאנגע, בייגזאמע טוב) וואס ווערט אריינגעלייגט אין אן אדער אין אייער ברוסט-קאסטן. עס זענען פארהאן אסאך סארטן CVC’ס. אייער דאקטער וועט באשליסן וועלכע סארט איז דאס בעסטע פאר אייך.

אלע CVC’ס האבן 1 צענטראלע קאטעטער וואס ווערט אריינגעלייגט אין א גרויסע אדער נעבן אייער הארץ. אינדרויסן פון אייער קערפער, צוטיילט זיך דער גרויסע קאטעטער צו 1, 2, אדער 3 קלענערע טובס גערופן לומענס. יעדע לומען האט א קלעמפ, א נאדל-לאזע באהעפטער, און א דיס-אינפעקציע דעקל ביים ענדע (זעט בילד 1). א נאדל-לאזע באהעפטער ווערט אפטמאל אנגערופן א קלעיוו.

האבן א CVC וועט אייך העלפן דארפן ווייניגער נאדל שטעקענעס. אייער קעיר טיעם קען נוצן אייער CVC צו:

• נעמען בלוט ביישפילן.
• אייך געבן פליסיגקייטן.
• אייך געבן קימאטעראפיע און אנדערע מעדיצינען.
• אייך געבן בלוט טראנספֿוזיעס.
• אייך געבן אינטרעווענוס (IV) נערונג.

אייער CVC קען בלייבן אין אייער קערפער פאר אזוי לאנג ווי אפאר יאר. עס וועט בלייבן אין פלאץ פאר די גאנצע צייט פון אייער באהאנדלונג. אייער דאקטער וועט ארויסנעמען אייער CVC ווען איר דארפט עס מער נישט.

האבן א CVC דארף אייך נישט אפהאלטן פון טון אייערע געהעריגע אקטיוויטעטן. דאס רעכנט אריין גיין צו שולע אדער ארבעט, נעמען א שאווער, און טון לייכטע איבונגען. ליינט דער “באהאנדלען אייער CVC” אפטיילונג צו לערנען מער.

איר וועט האבן אן אפעראציע צו לייגן אייער CVC. אייער נורס וועט אייך זאגן וויאזוי זיך צו גרייטן פאר אייער אפעראציע. זיי וועלן אייך אויך לערנען וויאזוי זיך אפצוגעבן מיט אייער CVC נאך אייער אפעראציע.

איר וועט זיך לערנען צו:

• טוישן אייער נאדל-לאזע באהעפטערס.
• טוישן אייער דיס-אינפעקציע דעקלעך, אזויווי SwabCaps®.
• רייניגן אייער CVC.

אייער העלטקעיר פראוויידער קען אייך אויסלערנען וויאזוי צו טוישן דעם דרעסינג. איר קענט האבן א קעירגעבער, פאמיליע מיטגליד, אדער פריינט זיך לערנען אינאיינעם מיט אייך. נאך איר גייט אהיים, נוצט דעם וועגווייזער אייך צו העלפן געדענקען די שריט זיך אפצוגעבן מיט אייער CVC.

וואס צו טון איידער אייער אפעראציע

פרעגט אייך נאך וועגן אייער מעדעצינען.

איר וועט מעגליך דארפן אויפהערן נעמען טייל פון אייערע מעדעצינען איידער אייער פראצעדור. רעדט מיט אייער דאקטער איבער וועלכע מעדיצינען זענען פארזיכערט פאר אייך אויפצוהערן נעמען.

מיר האבן אריינגערעכנט אפאר אפטע ביישפילן אונטן, אבער עס זענען דא אנדערע. מאכט זיכער אז אייער קעיר טיעם ווייסט פון אלע פארשריבענע און איבער-די-קאונטער מעדיצינען וואס איר נעמט. א פרעסקריפשן מעדיצין איז עפעס וואס איר קענט בלויז באקומען מיט א פרעסקריפשאן פון אייער העלטקעיר פראוויידער. אן איבער-די-קאונטער מעדיצין איז איינס וואס איר קענט קויפן אן א פרעסקריפשאן.

עס איז זייער וויכטיג צו נעמען אייערע מעדעצינען די ריכטיגע וועג אין די טעג פאר אייער פראצעדור. אויב נישט, וועלן מיר מעגליך דארפן אפשטופן אייער פראצעדור.

נעמט בלויז די מעדיצין וועלכע אייער אפעראציע טיעם האט אייך אנגעזאגט צו נעמען דעם צופרי פונעם אפעראציע. אויב איר נעמט עס נישט, וועלן מיר מעגליך דארפן אפרופן אייער אפעראציע. נעמט זיי מיט עטליכע שלינגען וואסער.

אַנטיקאָאַגולאַנץ (בלוט טינער)

אויב איר נעמט א בלוט טינער, פרעגט דער דאקטער וואס וועט דורכפירן אייער אפעראציע וואס צו טון. בלוט טינערס זענען מעדיצינען וועלכע אפעקטירן די וועג וואס אייער בלוט קלאט.

מעדיצין פאר דייעביטיס

אויב איר נעמט אינסולין אדער אנדערע מעדיצין פאר דייעביטיס, וועט איר מעגליך דארפן טוישן די דאזע. רעדט מיט דער העלטקעיר פראוויידער וועלכע פארשרייבט אייער דייעביטיס מעדיצין איבער וואס צו טון דעם צופרי פון אייער אפעראציע.

פאלגט אויס אייער העלטקעיר פראוויידער’ס אנווייזונגען צו נעמען אספירין

אספירין קען פאראורזאכן בלוטיגן. אויב איר נעמט אספירין אדער א מעדיצין וואס האט אספירין, וועט איר מעגליך דארפן טוישן אייער דאזע אדער עס אויפהערן נעמען 7 טעג איידער אייער אפעראציע. פאלגט אויס אייער העלטקעיר פראוויידער’ס אנווייזונגען. הערט נישט אויף צו נעמען אספירין אויסער אויב זיי הייסן אייך.

הערט אויף נעמען נאנסטעראודאל אנטי-אינפלאממאטארי דראגס (NSAIDS)

NSAIDs, אזויווי איביופראפען (Advil^® און Motrin^®) און נאפראקסין (Aleve^®), קען פאראורזאכן בלוטיגן. הערט זיי אויף צו נעמען 2 טעג איידער אייער אפעראציע. אויב אייער העלטקעיר פראוויידער גיבט אייך אנדערע אנווייזונגען, פאלגט עס אויס אנשטאט.

צו לערנען מער, ליינט How To Check if a Medicine or Supplement Has Aspirin, Other NSAIDs, Vitamin E, or Fish Oil.

אויב איר ליידט פון אדער אומבאקוועמליכקייט, נעמט אסיטעמינאויפען (Tylenol^®). נעמט נישט מער אסיטעמינאויפען ווי דאס וואס איז פארשריבן אויפן קלעבצעטל אדער לויט די אנווייזונגען פון אייער העלטקעיר פראוויידער.

הערט אויף צו נעמען וויטאמין E, מולטיוויטאמינען, הערבל רעמעדיס, און אנדערע דיעטישע סופלעמענטן

וויטאמין E, מולטי-וויטאמינען, הערבאל רעמעדיס, און אנדערע דיעטישע סופלעמענטן קענען פאראורזאכן בלוטן. הערט זיי אויף צו נעמען 7 טעג איידער אייער אפעראציע. אויב אייער העלטקעיר פראוויידער גיבט אייך אנדערע אנווייזונגען, פאלגט עס אויס אנשטאט.

צו לערנען מער, ליינט Herbal Remedies and Cancer Treatment

זאגט אונז אויב איר זענט קראנק

אויב איר ווערט קראנק איידער אייער אפעראציע, רופט דער העלטקעיר פראוויידער וואס האט באשטימט אייער אפעראציע. דאס רעכנט אריין א פיבער, פארקילונג, האלז וויי, אדער פלו.

וואס צו טון די טאג איידער אייער אפעראציע

באַמערקט די צייט פון אייער פּראָצעדור

א שטאב מיטגליד וועט אייך רופן נאך 2 אזייגער נאכמיטאג די טאג פאר אייער פראצעדור. אויב אייער פּראָצעדור איז געצייַטיקט פֿאַר אַ מאנטיק, זיי וועלן אייך רופן אויף די פרייטאג איידער. אויב מען רופט אייך נישט ביז 7 אזייגער נאכמיטאג, רופט 212-639-5014.

די שטאב מיטגליד וועט אייך זאגן וועלכע צייט אנצוקומען צו אייער פראצעדור. זיי וועלן אייך אויך דערמאנען וואו צו גיין.

דאס וועט זיין איינע פון די פאלגנדע ערטער:

• Pediatric Ambulatory Care Center (PACC)
  1275 York Avenue (צווישן East 67th און East 68th Streets)
  New York, NY 10065
  נעמט דער B עלעוועיטער צו די 9’טע שטאק.
• Presurgical Center (PSC) אויף די 6’טע שטאק
  1275 York Avenue (צווישן East 67th און East 68th Streets)
  New York, NY 10065
  נעמט דער B עלעוועיטער צו די 6’טע שטאק.

באזוכט www.msk.org/parking פאר פארקינג אינפארמאציע און אנווייזונגען צו אלע MSK לאקאציעס.

נעמט א שויער מיט א 4% קלאראהעקסידיין גלוקאנעיט (CHG) סאלושאן אנטיסעפטיק הויט רייניגער, אזויווי Hibiclens

נעמט א שויער מיט א 4% קלאראהעקסידיין גלוקאנעיט (CHG) סאלושאן אנטיסעפטיק הויט רייניגער איידער איר לייגט זיך שלאפן די נאכט בעפאר אייער אפעראציע

אנווייזונגען פאר נוצן 4% CHG סאלושאן.

לייגט נישט קיין שום שמירעכץ, זאלב, דעאדעראנט, מעיקאופ, פאודער, פערפיום, אדער קאלאנע נאך אייער שויער.

אינסטרוקציעס פֿאַר עסן

הערט אויף עסן ביי חצות הלילה (12 a. m.) די נאכט בעפאר אייער פראצעדור. דאס רעכנט אריין הארטע קענדי און גאם.

אייער העלטקעיר פראוויידער האט אייך מעגליך געגעבן אנדערע אנווייזנגען פאר ווען אויפצוהערן צו עסן. אויב יא, פאלגט אויס זייערע אנווייזונגען. טייל מענטשן דארף פאסטן (נישט עסן) פאר לענגער בעפאר זייער פראצעדור.


 

וואס צו טון אינעם טאג פון אייער אפעראציע

אנווייזונגען פאר טרינקען איידער אייער פראצעדור

איר קענט ווייטער טרינקען פארמולע, מאמע’ס מילך, און קלארע פליסיגקייטן נאך האלבע נאכט. פאלגט אויס די אנווייזונגען אינעם טאוול אונטן. איר קענט פוצן אייער ציין און נעמען אייערע מעדיצינען מיט א קליין ביסל וואסער.

איר זאלט גארנישט טרינקען אנגעהויבן פון 2 שטונדן איידער אייער געסקעדזשועלטע אנקומען צייט. דאס שליסט איין פארמולע, מאמע’ס מילך, וואסער, און אנדערע קלארע פליסיגקייטן.

נעמט אייערע מעדיצינען ווי געהייסן

א מיטגליד פון אייער קעיר טיעם וועט אייך זאגן וועלכע מעדיצינען צו נעמען די צופרי פון אייער אפעראציע. נעמט נאר די מעדעצינען מיט א שלינג וואסער. געוואנדן אויף וואס איר נעמט געווענליך, קען דאס זיין אלע, עטליכע, אדער קיין איינע פון אייער געווענליכע צופרי מעדעצינען.

איר זאָלט געדענקען דאָזיקע זאכן

• טראגט ריינע, באקוועמע קליידער.
• אויב איר טראָגט קאָנטאַקט לענסעס, טראָגט אַנשטאָט אייער ברילן. טראגן קאנטאקט לענסעס בשעת אן אפעראציע קען שעדיגן אייערע אויגן.
• טראגט נישט קיין מעטאלענע אביעקטן אויף זיך. נעמט אַראָפּ אַלע צירונגען, אייַנשליסלעך קערפּער פּיערסינגס. די געצייג וואס ווערן גענוצט בשעת אייער אפעראציע קענען פאראורזאכן בריען אויב זיי רירן אן אייזן.
• לאזט ווערדפולע ארטיקלען אינדערהיים אויב איר דארפט זיי נישט. דאס נעמט אריין איבעריגע קרעדיט קארטלעך, איבעריגע קעש, און צירונגען.
• אויב איר מענסטרועיט (האט אייער מאנאטליכע פעריאד), נוצט א סאניטערי פעד, נישט א טאמפאן. איר וועט באקומען איינמאליגע אונטערוועש, ווי אויך א פעד אויב נויטיג.

וואס צו ברענגן

• א ליסטע פון מעדיצינען וואס איר נעמט אינדערהיים. דאס נעמט אריין איבער-די-קאונטער און פרעסקריפשאן מעדיצין, פעטשעס, און זאלבען.
• מעדיצינען פאר אטעמען פראבלעמען אזויווי אינהעילערס, אויב איר נעמט.
• מעדיצינען פאר ברוסט-קאסטן ווייטאג, אויב איר נעמט.
• א האלטער פאר אייער גלעזער אדער לענסעס.
• אייער העלט קעיר פראקסי בויגן און אנדערע פאראויסיגע אנווייזונגען, אויב איר האט זיי אויסגעפולט.
• אייער אטעמען מאשין פאר שלאפ אפניע, אזויווי אייער CPAP אדער BiPAP, אויב איר האט איינס.
• דעם וועגווייזער. איר וועט עס נוצן צו לערנען וויאזוי זיך אפצוגעבן מיט אייער CVC נאך אייער אפעראציע.

איינמאל איר זענט אין שפיטאל

ווען איר קומט אן אין שפיטאל, נעמט די B עלעוועיטאר.

• אויב איר גייט צו די PACC, נעמט די עלעוועיטאר צו די 9טע שטאק.
• אויב איר גייט צו די PSC, נעמט די עלעוועיטאר צו די 6טע שטאק.

פיל שטאב מיטגלידער וועלן אייך בעטן צו זאגן און אויסשרייבן אייער נאמען און געבורט דאטום. דאָס איז פֿאַר אייער זיכערקייַט. פאציענטן מיט די זעלבע אדער ענליכע נאמען קענען האבן אן אפעראציע אין די זעלבע טאג.

ווען עס איז צייט זיך צו טוישן פאר אייער אפעראציע, וועט איר באקומען א שפיטאל קלייד, ראק, און נישט-גליטשיגע זאקן צו טראגן.

טרעף זיך מיט א נורס

איר וועט זיך טרעפן מיט א נורס איידער אייער אפעראציע. זאגט זיי די דאזע פון סיי וועלכע מעדיצינען וואס איר האט גענומען נאך מיטלנאכט (12 a.m.) און די צייט וואס איר האט זיי גענומען. מאכט זיכער אריינצורעכענען פארשריבענע און איבער-די-קאונטער מעדיצינען, פעטשעס, און זאלבען.

אייער נורס קען אריינלייגן אן אינטרעווענוס (IV) ליניע אין איינס פון אייערע אדערן, געווענליך אין אייער ארעם אדער האנט. אויב אייער נורס לייגט נישט דעם IV, וועט אייער אנעסטיזיאלאגיסט דאס טון אינעם אפערירונג צימער.

טרעפט זיך מיט אן אנעסטיזיאלעדזשיסט

איר וועט זיך אויך טרעפן מיט אן אנעסטיזיאלעדזשיסט אן אנעסטיזיאלאדזשיסט איז א דאקטאר וואס איז ספעציעל טרענירט צו נוצן אנעסטיזשיע זיי וועלן אייך געבן אנעסטיזשיע דורכאויס אייער פראצעדור. זיי וועלן אויך:

• איבערשמועסן אייער מעדעצינישע פארגאנגענהייט מיט אייך.
• אייך פרעגן אויב איר האט געהאט פראבלעמען מיט אנעסטיזיע אין די פארגאנגענהייט. דאס רעכנט אריין איבלונג (געפילן פון ברעכן) אדער ווייטאג.
• רעדן מיט אייך וועגן אייער באקוועמליכקייט און זיכערהייט בשעת אייער פראצעדור.
• רעדן מיט אייך וועגן די סארט אנעסטיזשיע וואס איר וועט באקומען.
• ענטפערן פראגעס וואס איר האט וועגן אנעסטיזיע.

זיך גרייטן פאר אייער אפעראציע

איין אדער 2 באזוכער קענען זיין מיט אייך ווען איר ווארט פאר די אפעראציע זיך אנצוהויבן. ווען עס איז צייט פאר אייער אפעראציע, וועט א שטאב מיטגליד ברענגען אייער באזוכער(ס) צום ווארט צימער.

• הער-מאַשינקעס
• פראסטעטיק געצייג
• שייטל
• רעליגיעזע ארטיקלען

איר וועט אדער אריינשפאצירן אינעם אפערירונג צימער אדער וועט א שטאב מיטגליד אייך אריינפירן אויף א סטרעטשער. א מיטגלידער פונעם אפעראציע צימער טיעם וועט אייך העלפן ארויפגיין צום אפערירונג בעטל. איינמאל איר זענט באקוועם, וועט אייער אנעסטיזיאלאדזשיסט אייך געבן אנעסטיזשיע דורך אייער IV ליניע און איר וועט איינשלאפן.

בשעת אייער אפעראציע

ערשט, וועט אייער דאקטער אייך געבן אן איינשפריץ (נאדל) פון א ארטיגע אנעסטעטיק נעבן אייער קאלנער-ביין. אן ארטיגע אנעסטעטיק איז א מעדיצין וואס מאכט אן ארט פון אייער קערפער נאמב. דאס וועט אייך אפהאלטן פון האבן ווייטאג נאך אייער אפעראציע.

נאכדעם, וועט אייער דאקטער מאכן צוויי קליינע שניטן (סורדזשיקעל שניטן) גערופן דער אריינגאנג ארט און ארויסגאנג ארט.

• דער אריינגאנג ארט איז וואו אייער CVC וועט אריינגיין אין אייער אדער. דער שניט וועט זיין פונקט אונטער אייער קאלנער-ביין.
• דער ארויסגאנג ארט איז וואו אייער CVC וועט ארויסגיין פון אייער קערפער. דער שניט וועט זיין אפאר אינטשעס אונטער דער אריינגאנג ארט.

דאן, וועט אייער דאקטער לייגן איין עק פונעם CVC דורך דער אריינגאנג ארט און אריין אין אייער אדער. זיי וועלן פעדימען דער אנדערע עק אונטער אייער הויט און ארויס פון דער ארויסגאנג ארט. פעדימען די CVC אונטער אייער הויט וועט העלפן עס אפהאלטן פון זיך רוקן.

נאך די CVC איז אין פלאץ, וועט אייער דאקטאר פארמאכן דעם אריינגאנג ארט. זיי וועלן נוצן אדער Dermabond^® (סורדזשיקעל קלעב) אדער Steri-Strips^™ (סורדזשיקעל טעיפ). זיי וועלן פארמאכן די ארויסגאנג ארט מיט סטיטשעס.

נאָך אייער פּראָצעדור

אין די נאך אנעסטיזיע קעיר יוניט (Post-Anesthesia Care Unit, PACU).

איר וועט זיין אינעם PACU ווען איר וועקט זיך אויף נאך אייער אפעראציע. א נורס וועט האלטן אן אויג אויף אייער טעמפעראטור, פולס, בלוט דרוק, און אקסידזשען שטאפלען. איר קענט מעגליך באקומען אקסידזשען דורך א רער וואס ליגט אונטער אייער נאז אדער א מאסק איבער אייער נאז און מויל.

וויבאלד איר זענט איינגעארדענט, וועט א נורס ברענגען אייער באזוכערס צו זיין מיט אייך.

איינמאל איר וועקט זיך אינגאנצן אויף, וועט אייער נורס אייך געבן א טרינק און א לייכטע איבערבייס.

אייער נורס וועט אויסלערנען אייך און אייער קעירגעבער וויאזוי זיך אפצוגעבן מיט אייער דרעסינג איידער איר ווערט באפרייט פון שפיטאל. זיי וועלן אייך אויך געבן אן עמערדזשענסי קיט. דער עמערדזשענסי קיט זאל האבן:

• 2 קלעמפס אן ציינער.
• 1 דרעסינג טוישן קיט.
• אלקאהאל פעדס.
• מעדיקעל (פאפיר) טעיפ.
• אייער דאקטער’ס אפיס און עמערדזשענסי טעלעפאן נומערן.

האלט אייער עמערדזשענסי קיט מיט אייך אלעמאל. איר וועט עס דארפן אויב:

• אייער קאטעטער רינט.
• אייער דרעסינג ווערט שמוציג אדער קומט אראפ.
• אייער נאדל-לאזע באהעפטער אדער דיס-אינפעקציע דעקל פאלט אראפ.

באהאנדלען אייער שניטן

איר קענט מעגליך האבן אביסל אומבאקוועמליכקייט ארום אייער שניטן. אייער קעיר טיעם וועט מאכן א פלאן צו קאנטראלירן אייער ווייטאג געוואנדן אין אייער געברויכן. זאגט זיי אויב אייער ווייטאג איז נישט קאנטראלירט.

עס איז וויכטיג צו האלטן אייער דרעסינג טרוקן פאר די ערשטע 24 שטונדן (1 טאג) נאך אייער אפעראציע. איר וועט דארפן טוישן אייער דרעסינגס נאך 24 שעה. ליינט די אפטיילונג “טוישן אייער דרעסינג, נאדל-לאזע באהעפטערס, און דיס-אינפעקציע דעקלעך” צו לערנען מער.

איר קענט אראפנעמען דער דרעסינג איבער אייער אריינגאנג ארט 2 טעג נאך אייער אפעראציע. איר דארפט נישט ארויפלייגן א נייע. אויב איר האט Steri-Strips, לאזט זיי אין פלאץ ביז זיי הויבן אן אראפצוקומען פון זיך אליינס. דאס זאל פאסירן אומגעפער 3 צו 5 טעג נאך אייער אפעראציע. נעמט נישט אראפ דער דרעסינג וואס דעקט צו אייער CVC.

אייער העלטקעיר פראוויידער וועט אייך געבן אנווייזונגען איבער וועלכע איבונגען און באוועגונגען איר קענט טון בשעת אייער שניטן היילן זיך. מאכט זיכער מיט זיי איידער איר הויבט אן שווערע איבונגען, אזויווי לויפן, דזשאג’ן, אדער אויפהויבן וואג.

באהאנדלען אייער CVC

• טינקט נישט איין אייער CVC אין וואסער אזויווי א וואנע אדער שווים באסיין.
• פארמאכט די קלעמפס אויפ’ן לומענס ווען די CVC איז נישט אין באנוץ.
• האלט אייער CVC פארזיכערט אלעמאל עס זאל נישט ווערן געצויגן. פרעגט א נורס וועגן די בעסטע וועג צו פארזיכערן אייער CVC.
• פארמיידט קאנטאקט ספארטס און אקטיוויטעטן וואס קענען מעגליך ציען אייער CVC, אזויווי פוטבאל, סאקער, און ראפהאוזינג. פרעגט אייער העלטקעיר פראוויידער וועגן סיי וועלכע אקטיוויטעטן איידער איר הויבט אן מיט זיי. זייט פארזיכטיג נישט צו ציען אייער CVC ווען איר טוישט אייער קליידער.

אויב איר האט איינע פון די, רופט אייער העלטקעיר פראוויידער. איר קענט מעגליך האבן אן אינפעקציע.

וואס צו טון אויב אייער CVC רינט

וואס צו טון אויב אייער CVC דרעסינג איז געשעדיגט, לויז, שמוציג, אדער נאס

רופט דעם דאקטאר’ס אפיס זאפארט און פאלגט אויס זייערע אנווייזונגען. אויב אייער נורס האט אייך אויסגעלערנט צו טון א דרעסינג טויש, קענט איר טוישן די דרעסינג ווי שנעל מעגליך. פאלגט אויס די אנווייזונגען אין די “וואס צו טון אויב אייער נאדל-לאזע באהעפטער ווערט שמוציג אדער פאלט אראפ” אפטיילונג פון דעם ריסארס.

וואס צו טון אויב אייער נאדל-לאזע באהעפטער ווערט שמוציג אדער פאלט אראפ

אויב אייער נאדל-לאזע באהעפטער ווערט שמוציג, טוישט עס. פאלגט אויס די אנווייזונגען אין די אפטיילונג “וויאזוי צו טוישן אייער נאדל-לאזע באהעפטערס און דיס-אינפעקציע קעפלעך.”

אויב אייער נאדל-לאזע באהעפטער פאלט אראפ, ווארפט עס ארויס. לייגט עס נישט צוריק אויפ’ן לומען. לייגט ארויף א נייע נאדל-לאזע באהעפטער נאכפאלגנדיג די שריט אונטן.

רופט אייער העלטקעיר פראוויידער נאך איר לייגט ארויף דער נייע נאדל-לאזע באהעפטער. מען וועט מעגליך דארפן נעמען בלוט פון אייך צו מאכן זיכער אז איר האט נישט קיין אינפעקציע.

וואס צו טון אויב אייער דיס-אינפעקציע קעפל פאלט אראפ

אויב אייער דיס-אינפעקציע דעקל פאלט אראפ, ווארפט עס אוועק. לייגט עס נישט צוריק אויפ’ן לומען.

ארויפצולייגן א נייע דיס-אינפעקציע קעפל:

אנווייזונגען צו נעמען א שאווער

פאלגט אויס די אנווייזונגען אין דעם אפטיילונג ווען איר נעמט א שאווער. טינקט נישט איין אייער CVC אין וואסער אזויווי א וואנע אדער שווים באסיין.

קוקט Showering While You Have a Central Venous Catheter (CVC) צו לערנען מער.

נוצט א וואסער-פראף דעקל

איר קענט נעמען א שאווער מיט אייער קאטעטער אין פלאץ. נוצט אן איינמאליגע וואסער-פראף צודעק וואס גייט איבער אייער דרעסינג, אזויווי AquaGuard^®. איר קענט קויפן וואסער-פראף דעקלעך אנליין.

יעדע מאל וואס איר נעמט א שאווער, דעקט צו דעם CVC אינגאנצן מיט א נייע וואסער-פראף דעקל זיי צו באשיצן פון ווערן נאס. ארויפצולייגן דער וואסער-פראף דעקל:

נעמט נישט א שאווער פאר לענגער ווי 15 מינוט. נוצט ווארעם וואסער, נישט הייס וואסער. דאס וועט העלפן אפהאלטן די וואסער-פראף צודעק פון אראפקומען.

נאך אייער שאווער, טריקנט אפ דער וואסער-פראף צודעק איידער איר נעמט עס אראפ. אויב אייער דרעסינג ווערט נאס, טוישט עס. פאלגט אויס די אנווייזונגען אין די אפטיילונג “טוישן אייער דרעסינג, נאדל-לאזע באהעפטערס, און דיס-אינפעקציע קעפלעך.”

נוצט א 4% קלאראהעקסידיין גלוקאנעיט (CHG) סאלושאן אנטיסעפטיק הויט רייניגער אזויווי Hibiclens®

בשעת אייער CVC איז אין פלאץ, איז זייער וויכטיג צו האלטן אייער הויט ריין. דאס העלפט פארמינערן אייער געפאר פון אינפעקציע. וואשט זיך מיט 4% CHG סאלושען יעדן טאג בשעת איר האט א CVC.

CHG איז א שטארקע אנטיסעפטיק וואס הרג’ט באצילן פאר ביז 24 שעה נאך איר נוצט עס. אנטיסעפטיק איז פליסיגקייט גענוצט צו הרג’נען דזשערמס און באצילן. נעמען א שאווער מיט א 4% CHG סאלושאן אנטיסעפטיק הויט רייניגער וועט העלפן פארמינערן די ריזיקע פון אינפעקציע בשעת איר האט א CVC.

איר קענט קויפן א 4% CHG סאלושאן אנטיסעפטיק הויט רייניגער אן א פרעסקריפשען פון סיי וועלכע ארטיגע אפטייק אדער אנליין. איר וועט אויך באקומען א קליינע באטל ווען איר ווערט באפרייט פון שפיטאל.

אנווייזונגען פאר נוצן 4% CHG סאלושאן.

לייגט נישט קיין שום שמירעכץ, זאלב, דעאדעראנט, מעיקאופ, פאודער, פערפיום, אדער קאלאנע נאך אייער שויער.

זאכן צו געדענקען ווען נוצנדיג 4% CHG סאלושאן

• נוצט נישט CHG אויף קינדער יונגער ווי 2 מאנאטן אלט.
• נוצט נישט געהעריגע זייף, לאושין, זאלב, פאודער, אדער דיאדערענט נאכ’ן זיך וואשן מיט 4% CHG סאלושאן אן פריער רעדן מיט אייער נורס. אויב איר זענט אין דער שפיטאל, קען אייער נורס אייך געבן א לאושין וואס איר קענט נוצן נאכ’ן נוצן 4% CHG סאלושאן.
• נוצט נישט 4% CHG סאלושאן אויף אייער קאפ, פנים, אויערן, אויגן, מויל, פריוואטע ערטער, אדער אויף טיפע וואונדן. אויב איר האט א וואונד און איר זענט נישט זיכער אויב איר זאלט נוצן 4% CHG סאלושאן אויף עס, פרעגט אייער העלטקעיר פראוויידער.
• נוצט נישט 4% CHG סאלושאן אויב איר זענט אלערגיש צו קלארהעקסידיין.
• הערט אויף נוצן 4% CHG סאלושאן אויב אייער הויט ווערט געשטערט, אדער איר האט אן אלערגישע רעאקציע ווען איר נוצט עס. רופט אייער העלטקעיר פראוויידער אויב דאס פאסירט.

וויאזוי צו פלאש’ן אייער CVC

א מיטגליד פון אייער קעיר טיעם וועט אייך זאגן אויב איר דארפט רייניגן אייער CVC. אויב איר דארפט, פאלגט אויס די שריט אונטן. מערסטנס מענטשן וועלן נישט דארפן רייניגן זייערע ליניעס אינדערהיים.

געצייג

• אנגעפולטע, 10 mL איינשפריץ(ן) האלטנדיג נארמאלע סעילין סאלושין. איר וועט דארפן 1 איינשפריץ פאר יעדע לומען.
• נישט-סטערילע הענטשקעס
• 2 אלקאהאל פעדס פאר יעדע לומען
• 1 דיס-אינפעקציע קעפל פאר יעדע לומען

• שפריצט שנעל אריין א דריטל פונעם סעילין. װאַרט אַ ביסל.
• שפריצט אריין נאך א דריטל פונעם סעילין. װאַרט אַ ביסל.
• שפּריצט ארײן די לעצטע 1/3 פֿון די סעילין.

אויב איר קענט נישט אריינשפריצן דעם סעילין, שטעלט אייך אפ און מאכט זיכער אז די לומען האט נישט דעם קלעמפ. מאכט זיכער אז עס איז נישט דא קיין דרייאונגען אדער אנדערע אפשטעלונגען אינעם טובינג. פרובירט צו איינשפריצן דעם סעילין נאכאמאל.

אויב איר קענט נאכאלץ נישט איינשפריצן דעם סעילין, נוצט נישט קיין איבריגע דרוק צו פלאש’ן די ליניע. פאלגט אויס שריט 10 ביז 12 און דאן רופט אייער העלטקעיר פראוויידער.

טוט נאכאמאל שריט 4 ביז 12 פאר יעדע לומען. ווען איר ענדיגט, ווארפט ארויס אייער מאסקע און הענטשקעס. וואשט אייער הענט גרונטליך מיט ווארעם וואסער און אנטיבאקטעריעל זייף אדער נוצט א האנט סאניטייזער.

רופֿט אײער העלטקעיר פּראָװײדער זאָפֿאָרט אױב׃

• עס איז דא רויטקייט, געשוועלאכץ, אדער פליסיגקייטן ארום דעם ארויסגאנג ארט.
• איר האט פיבער פון 100.4 °F (38 °C) אדער העכער.
• אייער קאטעטער איז צובראכן אדער רינט.
• אויב אייער נאדל-לאזע באהעפטער פאלט אראפ.
• עס איז דא בלוט אין אייער קאטעטער.
• אייער קאטעטער ווערט צוטיילט פון אייער פאמפ.
• אייער קאטעטער איז באהאפטן צו א פאמפ און דער ווארענונגס פייף אויף אייער פאמפ צינדט זיך אן.
• איר האט א נישט-ערקלערטע פראבלעם מיט אייער קאטעטער.