ਡਾਕਟਰੀ ਪਰਚੀ (ਨੁਸਖ਼ੇ ) ਵਾਲੀ ਦਵਾਈ ਦਾ ਲੇਬਲ ਕਿਵੇਂ ਪੜ੍ਹਨਾ ਹੈ?

ਇਹ ਜਾਣਕਾਰੀ ਡਾਕਟਰੀ ਪਰਚੀ ਵਾਲੀ ਦਵਾਈ ਦਾ ਲੇਬਲ ਪੜ੍ਹਨ ਵਿੱਚ ਤੁਹਾਡੀ ਮਦਦ ਕਰੇਗੀ।

ਡਾਕਟਰੀ ਪਰਚੀ ਵਾਲੀ ਦਵਾਈ ਦੇ ਲੇਬਲ ’ਤੇ ਕੀ ਦੇਖਣਾ ਹੈ?

ਡਾਕਟਰੀ ਪਰਚੀ ਵਾਲੀਆਂ ਜ਼ਿਆਦਾਤਰ ਦਵਾਈਆਂ ਦੇ ਲੇਬਲਾਂ ’ਤੇ ਇੱਕੋ ਜਿਹੀ ਜਾਣਕਾਰੀ ਹੁੰਦੀ ਹੈ। ਇਹ ਲੇਬਲ ਅਕਸਰ ਇਸ ਗੱਲ ’ਤੇ ਨਿਰਭਰ ਕਰਦੇ ਹਨ ਕਿ ਤੁਸੀਂ ਕਿਸ ਫਾਰਮੇਸੀ ਦੀ ਵਰਤੋਂ ਕਰਦੇ ਹੋ।

ਇਹ ਜਾਣਨਾ ਜ਼ਰੂਰੀ ਹੈ ਕਿ ਡਾਕਟਰੀ ਪਰਚੀ ਵਾਲੀਆਂ ਦਵਾਈਆਂ ਦੇ ਲੇਬਲਾਂ ’ਤੇ ਹੇਠਾਂ ਦਿੱਤੀ ਜਾਣਕਾਰੀ ਕਿੱਥੇ ਮਿਲੇਗੀ:

• ਮਰੀਜ਼ ਦਾ ਨਾਮ: ਇਹ ਤੁਹਾਡਾ ਨਾਮ ਜਾਂ ਉਸ ਵਿਅਕਤੀ ਦਾ ਨਾਮ ਹੈ ਜਿਸ ਲਈ ਦਵਾਈ ਲਿਖੀ ਗਈ ਹੈ।
• ਦਵਾਈ ਦਾ ਨਾਮ: ਇਹ ਦਵਾਈ ਦਾ ਜੈਨਰਿਕ (ਆਮ) ਨਾਮ ਹੋ ਸਕਦਾ ਹੈ ਜਾਂ ਇਸਦਾ ਬ੍ਰਾਂਡ ਅਤੇ ਜੈਨਰਿਕ ਦੋਵੇਂ ਨਾਮ ਹੋ ਸਕਦੇ ਹਨ।
• ਦਵਾਈ ਦੀ ਤਾਕਤ: ਇਹ ਦੱਸਦੀ ਹੈ ਕਿ ਹਰੇਕ ਗੋਲੀ ਜਾਂ ਟੈਬਲੇਟ ਕਿੰਨੀ ਤਾਕਤ ਦੀ ਹੈ।
• ਦਵਾਈ ਦੀ ਮਾਤਰਾ: ਇਹ ਦੱਸਦੀ ਹੈ ਕਿ ਡੱਬੇ ਵਿੱਚ ਕਿੰਨੀਆਂ ਗੋਲੀਆਂ ਜਾਂ ਟੈਬਲੇਟਾਂ ਹਨ।
• ਰਿਫਿਲ ਬਾਕੀ ਹੈ। ਇਸ ਨਾਲ ਤੁਹਾਨੂੰ ਇਹ ਜਾਣਨ ਵਿੱਚ ਮਦਦ ਮਿਲਦੀ ਹੈ ਕਿ ਤੁਸੀਂ ਡਾਕਟਰੀ ਪਰਚੀ ਨਾਲ ਕਿੰਨੀ ਵਾਰ ਹੋਰ ਦਵਾਈ ਲੈ ਸਕਦੇ ਹੋ। ਇੱਕ ਵਾਰ ਜਦੋਂ ਤੁਸੀਂ ਸਾਰੀਆਂ ਰੀਫਿਲਾਂ (ਮੁੜ-ਭਰਨ) ਦੀ ਵਰਤੋਂ ਕਰ ਲੈਂਦੇ ਹੋ, ਤਾਂ ਤੁਹਾਨੂੰ ਇੱਕ ਨਵੇਂ ਨੁਸਖੇ ਦੀ ਲੋੜ ਪਵੇਗੀ। ਹੋਰ ਦਵਾਈ ਲੈਣ ਲਈ ਆਪਣੇ ਸਿਹਤ ਸੰਭਾਲ ਪ੍ਰਦਾਤਾ ਨੂੰ ਨਵੀਂ ਡਾਕਟਰੀ ਪਰਚੀ ਲਿਖਣ ਲਈ ਕਹੋ।
• ਵਰਤੋਂ ਲਈ ਨਿਰਦੇਸ਼। ਇਹ ਤੁਹਾਨੂੰ ਦੱਸਦਾ ਹੈ ਕਿ ਦਵਾਈ ਕਿਵੇਂ ਲੈਣੀ ਹੈ। ਤੁਹਾਡੀ ਘਰੇਲੂ ਦਵਾਈਆਂ ਦੀ ਸੂਚੀ ’ਤੇ ਦਿੱਤੀਆਂ ਹਦਾਇਤਾਂ ਬੋਤਲਾਂ ’ਤੇ ਦਿੱਤੀਆਂ ਹਦਾਇਤਾਂ ਨਾਲੋਂ ਵੱਖਰੀਆਂ ਹੋ ਸਕਦੀਆਂ ਹਨ। ਇਹ ਉਦੋਂ ਹੋ ਸਕਦਾ ਹੈ ਜੇਕਰ ਤੁਹਾਡਾ ਸਿਹਤ ਸੰਭਾਲ ਪ੍ਰਦਾਤਾ ਤੁਹਾਡੀ ਦਵਾਈ ਦੀ ਖੁਰਾਕ ਜਾਂ ਸਮਾਂ-ਸਾਰਣੀ ਨੂੰ ਤੁਹਾਡੀ ਦਵਾਈ ਦੁਬਾਰਾ ਭਰਨ ਨਾਲੋਂ ਜ਼ਿਆਦਾ ਵਾਰ ਬਦਲਦਾ ਹੈ।

ਹਮੇਸ਼ਾ ਆਪਣੀ ਘਰੇਲੂ ਦਵਾਈ ਸੂਚੀ ’ਤੇ ਦਿੱਤੀਆਂ ਹਿਦਾਇਤਾਂ ਦੀ ਪਾਲਣਾ ਕਰੋ, ਨਾ ਕਿ ਦਵਾਈ ਦੀਆਂ ਬੋਤਲਾਂ ’ਤੇ ਦਿੱਤੀਆਂ ਹਿਦਾਇਤਾਂ ਦੀ। ਤੁਹਾਡੀ ਘਰੇਲੂ ਦਵਾਈ ਸੂਚੀ ਵਿੱਚ ਤੁਹਾਡੀ ਦਵਾਈ ਬਾਰੇ ਸਭ ਤੋਂ ਨਵੀਨਤਮ ਜਾਣਕਾਰੀ ਹੈ।

ਇਹ ਜਾਣਨਾ ਵੀ ਮਦਦਗਾਰ ਹੈ ਕਿ ਇਨ੍ਹਾਂ ਨੂੰ ਕਿੱਥੇ ਦੇਖਣਾ ਹੈ:

• ਨੁਸਖ਼ਾ ਨੰਬਰ। ਜਦੋਂ ਤੁਸੀਂ ਨੁਸਖ਼ੇ ਨੂੰ ਦੁਬਾਰਾ ਭਰਨ ਲਈ ਫਾਰਮੇਸੀ ਨਾਲ ਸੰਪਰਕ ਕਰਦੇ ਹੋ ਤਾਂ ਤੁਹਾਨੂੰ ਇਸ ਨੰਬਰ ਦੀ ਲੋੜ ਪਵੇਗੀ।
• ਫਾਰਮੇਸੀ ਦੀ ਜਾਣਕਾਰੀ। ਇਹ ਆਮ ਤੌਰ ’ਤੇ ਫਾਰਮੇਸੀ ਦਾ ਨਾਮ, ਪਤਾ, ਅਤੇ ਫ਼ੋਨ ਨੰਬਰ ਹੁੰਦਾ ਹੈ। ਇਸ ਨਾਲ ਤੁਹਾਨੂੰ ਦਵਾਈ ਦੁਬਾਰਾ ਮੰਗਵਾਉਣ ਜਾਂ ਕੋਈ ਸਵਾਲ ਹੋਣ ’ਤੇ ਸਹੀ ਫਾਰਮੇਸੀ ਨਾਲ ਸੰਪਰਕ ਕਰਨ ਵਿੱਚ ਮਦਦ ਮਿਲਦੀ ਹੈ।
• ਨੁਸਖ਼ਾ ਦੇਣ ਵਾਲੇ ਦਾ ਨਾਮ। ਇਹ ਉਹ ਸਿਹਤ ਸੰਭਾਲ ਪ੍ਰਦਾਤਾ ਹੈ ਜਿਸਨੇ ਤੁਹਾਡੇ ਲਈ ਇਹ ਦਵਾਈ ਲਿਖੀ ਹੈ। ਇਸ ਨਾਲ ਤੁਹਾਨੂੰ ਇਹ ਜਾਣਨ ਵਿੱਚ ਮਦਦ ਮਿਲਦੀ ਹੈ ਕਿ ਜੇ ਤੁਹਾਡੇ ਕੋਈ ਸਵਾਲ ਹਨ ਜਾਂ ਤੁਹਾਨੂੰ ਦਵਾਈ ਲਈ ਨਵੀਂ ਡਾਕਟਰੀ ਪਰਚੀ ਦੀ ਲੋੜ ਹੈ, ਤਾਂ ਕਿਸ ਨਾਲ ਸੰਪਰਕ ਕਰਨਾ ਹੈ।

ਜੇ ਤੁਹਾਨੂੰ ਪੱਕਾ ਪਤਾ ਨਹੀਂ ਹੈ ਕਿ ਆਪਣੀ ਦਵਾਈ ਦਾ ਲੇਬਲ ਕਿਵੇਂ ਪੜ੍ਹਨਾ ਹੈ, ਤਾਂ ਮਦਦ ਲਈ ਆਪਣੇ ਸਿਹਤ ਸੰਭਾਲ ਪ੍ਰਦਾਤਾ ਜਾਂ ਫਾਰਮਾਸਿਸਟ ਨੂੰ ਪੁੱਛੋ।